فوتو: azattyq.org
ۋكرايناداعى سوعىستى "ارنايى وپەراتسييا" دەپ اتاپ, رەسەي پرەزيدەنتٸ ۆلاديمير پۋتيندٸ اشىق قولداعان دەپۋتات ازامات ەبٸلداەۆتىڭ مەسەلەسٸ 19 قاڭتاردا ارنايى كەڭەستە قارالادى. بۇل تۋرالى "اق جول" پارتيياسىنىڭ ليدەرٸ ازات پەرۋاشەۆ بٷگٸن ٶزٸنٸڭ Telegram ارناسىندا مەلٸمدەدٸ, دەپ حابارلايدى "ۇلت اقپارات".
"دەپۋتات ا.ەبٸلداەۆتىڭ مەسەلەسٸ ەرتەڭ پارتييانىڭ ۇلتتىق كەڭەسٸندە قارالادى.
1. ا.ەبٸلداەۆتىڭ سٶزدەرٸ “اق جول” پارتيياسىنىڭ پوزيتسيياسىنا قاراما-قايشى جەنە سونىمەن قاتار پارتييالىق جەنە دە دەپۋتاتتىق ەتيكانى دا بۇزىپ تۇر.
2. “اق جول” پارتيياسى قاشان دا رەسپۋبليكامىزدىڭ جەنە باسقا دا دوس مەملەكەتتەردٸڭ تەۋەلسٸزدٸگٸ مەن جەر تۇتاستىعىن قۇرمەتتەيدٸ جەنە قولدايدى.
3. دەپۋتاتتاردىڭ تەرتٸپتٸك مەسەلەسٸن قاراستىرۋ پارتييانىڭ ۇلتتىق كەڭەسٸنٸڭ قۇزىرەتٸنە كٸرەتٸندٸكتەن, دەپۋتات ا.ەبٸلداەۆتىڭ سٶزدەرٸنە ساياسي باعا بەرۋ جەنە مەسەلەسٸن قاراۋ ٷشٸن ەرتەڭ پارتييانىڭ ۇلتتىق كەڭەسٸنٸڭ پلەنۋمى شاقىرىلدى" - دەلٸنگەن ساياسي ۇيىم پرەزيديۋمىنىڭ حابارلاماسىندا.
ەسكە سالايىق, بٷگٸن, 18 قاڭتاردا "ازاتتىق" راديوسىندا جارييالانعان سۇحباتتا مەجٸلٸس دەپۋتاتى ەبٸلداەۆ رەسەيدٸڭ ۋكرايناعا باسقىنشىلىعىن "ارنايى وپەراتسييا" دەپ اتاپ, ۋكراينانى "ناتسيستەر باسقارىپ وتىر" دەگەن. سونداي-اق ول ٶزٸ سيياقتى ويلايتىن 2-3 ەرٸپتەسٸ بار ەكەنٸن دە جاسىرمادى.
«مەن رەسەيدٸڭ پرەزيدەنتٸن قولدايمىن. وسى ارنايى وپەراتسييانى قولدايمىن. جازعا دەيٸن زەلەنسكييدٸ ٶزٸنٸڭ حالقى ۇستاپ, سوتقا بەرەدٸ دەپ ويلايمىن...», – دەدٸ دەپۋتات.
ايتا كەتەيٸك, قازاقستان بيلٸگٸ ۋكراينانىڭ اۋماقتىق تۇتاستىعىن قولدايتىنىن بٸرنەشە رەت مەلٸمدەگەن.
رەسەي 2022 جىلى 24 اقپاندا ۋكرايناعا باسىپ كٸرگەندە بۇل ەرەكەتٸن "ارنايى وپەراتسييا" دەپ اتاپ, "وپەراتسييانىڭ" ماقساتى "دەناتسيفيكاتسييا" جەنە "دەميليتيريزاتسييا" دەگەن. قازٸر رەسەي ۋكراينانىڭ شىعىسىنداعى بٸر بٶلٸگٸن وككۋپاتسييالاپ الدى. بۇل وككۋپاتسييانى مويىندامايتىن باتىس ەلدەرٸ مەن اقش رەسەيگە سانكتسييا سالىپ, ۋكرايناعا قارۋ-جاراق جاعىنان كٶمەك كٶرسەتٸپ جاتىر. ساراپشىلار رەسەيدٸڭ "كيەۆتٸ ٷش كٷندە باسىپ الامىز" دەگەن ماقساتى ورىندالماي, ۋكرايناداعى سوعىسى سەتسٸزدٸككە ۇشىرادى دەپ سانايدى.
ۆيدەو: ازاتتىق راديوسى
