"Aq jol" demokratiialyq partiiasynyń tóraǵasy Azat Perýashev kezekten tys prezident sailaýyna nege qatyspaitynyn aitty, dep habarlaidy Sputnik Qazaqstan tilshisi.
"Osy sailaýǵa qatysýdan bas tartyp otyrmyn. Nege deseńizder, birinshiden bizdiń partiiamyz parlamenttik júieni qalaidy. Bul bizdiń sailaý aldyndaǵy baǵdarlamamyzdyń jobasynda da aitylǵan. Birinshi orynda parlamenttik sailaý bolýy kerek", - dedi Perýashev ózi jetekshilik etetin partiianyń sezinde.
Ol bul tek óziniń kózqarasy emes, Alashtyń qalaýy bolǵanyn atap ótti.
"Alashtyń konstitýtsiiasynda osyndai talap, ustanym bolǵan", - dedi ol.
Ol "Aq jol" partiiasyn tek ózimen bailanystyrmaýǵa shaqyrdy.
"Partiia jáne partiia tóraǵasy – bul bir degen túsinikten ketý kerek. Búginde biz óńirlerdegi partiia kóshbasshylarynyń da ulttyq deńgeide partiia tóraǵasyna básekeles bola alatynyn, mańyzdy ideialar usyna alatynyn kórip otyrmyz. Monopolizm – tabysty damýdyń basty jaýy. Eger biz partiianyń damyǵanyn qalasaq, básekeni kúsheitip, jańa tulǵalarǵa jol berýimiz kerek. Sondyqtan men prezident sailaýyna qatyspaý týraly sheshim qabyldadym", - dedi ol.
Aita ketsek, búgin "Aq jol" partiiasynyń quryltaiy ótip, aldaǵy kezekten tys prezident sailaýyna túsetin úmitker tańdaldy. Kópshilik daýysymen májilis depýtaty Daniia Espaeva prezidenttik dodaǵa qatysady.
