© Sputnik / Abzal Kaliev
Jýrnalister Májilis depýtaty, "Aq jol" partiiasynyń tóraǵasy Azat Perýashevten kezekten tys Prezident sailaýyna qatysý josparda bar ma ekenin surady, - dep habarlaidy Sputnik Qazaqstan agenttigi.
"Partiia músheleri meniń kandidatýramdy usynsa, ony sezd, quryltaiymyz qarastyrý kerek. Qazir men óz atymnan aitsam, erteń sizder qalai kórsetetinderińizdi óte jaqsy bilemin. Sol úshin mundai sheshim tek qana partiiamyzdyń resmi organynyń qolynda", - dedi Perýashev.
Onyń aitýynsha, "Aq jol" partiiasy músheleriniń arasynda prezidenttikke laiyqty kandidatýralar barshylyq. Partiia aldaǵy sailaýǵa úmitker usyna ma, joq pa, ony partiianyń resmi organy sheshedi.
"Eń aldymen, sailaýdyń naqty merzimi anyqtalǵan kezde, biz ulttyq keńesimizdi shaqyramyz. Men ózim shaqyramyn. Ulttyq keńesimiz quryltai shaqyramyz ba, joq pa, shaqyrsaq kimdi usynamyz degen máseleni qaraidy. Qudaiǵa shúkir, partiiamyzdyń arasynda jetekshi organdarda júzden astam laiyqty azamat bar. Olardyń arasynda bireý qatysaiyn dese, bolmasa basqa bir usynys bolsa, biz quryltaiǵa jobamen shyǵamyz. Ári qarai naqty sheshimdi quryltai qabyldaidy", - dedi Perýashev.
Búgin Qasym-Jomart Toqaev kúzde kezekten tys Prezident sailaýy ótetinin málimdedi. Memleket basshysy saiasi dodaǵa ózi qatysýǵa daiyn ekenin de aitty.
