© Sputnik / ابزال كاليەۆ
جۋرناليستەر مەجٸلٸس دەپۋتاتى, "اق جول" پارتيياسىنىڭ تٶراعاسى ازات پەرۋاشەۆتەن كەزەكتەن تىس پرەزيدەنت سايلاۋىنا قاتىسۋ جوسپاردا بار ما ەكەنٸن سۇرادى, - دەپ حابارلايدى Sputnik قازاقستان اگەنتتٸگٸ.
"پارتييا مٷشەلەرٸ مەنٸڭ كانديداتۋرامدى ۇسىنسا, ونى سەزد, قۇرىلتايىمىز قاراستىرۋ كەرەك. قازٸر مەن ٶز اتىمنان ايتسام, ەرتەڭ سٸزدەر قالاي كٶرسەتەتٸندەرٸڭٸزدٸ ٶتە جاقسى بٸلەمٸن. سول ٷشٸن مۇنداي شەشٸم تەك قانا پارتييامىزدىڭ رەسمي ورگانىنىڭ قولىندا", - دەدٸ پەرۋاشەۆ.
ونىڭ ايتۋىنشا, "اق جول" پارتيياسى مٷشەلەرٸنٸڭ اراسىندا پرەزيدەنتتٸككە لايىقتى كانديداتۋرالار بارشىلىق. پارتييا الداعى سايلاۋعا ٷمٸتكەر ۇسىنا ما, جوق پا, ونى پارتييانىڭ رەسمي ورگانى شەشەدٸ.
"ەڭ الدىمەن, سايلاۋدىڭ ناقتى مەرزٸمٸ انىقتالعان كەزدە, بٸز ۇلتتىق كەڭەسٸمٸزدٸ شاقىرامىز. مەن ٶزٸم شاقىرامىن. ۇلتتىق كەڭەسٸمٸز قۇرىلتاي شاقىرامىز با, جوق پا, شاقىرساق كٸمدٸ ۇسىنامىز دەگەن مەسەلەنٸ قارايدى. قۇدايعا شٷكٸر, پارتييامىزدىڭ اراسىندا جەتەكشٸ ورگانداردا جٷزدەن استام لايىقتى ازامات بار. ولاردىڭ اراسىندا بٸرەۋ قاتىسايىن دەسە, بولماسا باسقا بٸر ۇسىنىس بولسا, بٸز قۇرىلتايعا جوبامەن شىعامىز. ەرٸ قاراي ناقتى شەشٸمدٸ قۇرىلتاي قابىلدايدى", - دەدٸ پەرۋاشەۆ.
بٷگٸن قاسىم-جومارت توقاەۆ كٷزدە كەزەكتەن تىس پرەزيدەنت سايلاۋى ٶتەتٸنٸن مەلٸمدەدٸ. مەملەكەت باسشىسى ساياسي دوداعا ٶزٸ قاتىسۋعا دايىن ەكەنٸن دە ايتتى.
