Foto: ashyq derekkóz
Ótken jyldyń qarasha aiynda 1,5 mlrd teńge jymqyrdy dep kúdikke ilingen Perizat Qairattyń isi jańa faktilermen tolyǵyp jatyr, dep habarlaidy Ult.kz.
Qarjy monitoringi agenttiginiń ókili Jeńis Elemesovtyń aitýynsha "Biz birgemiz" qorynyń jetekshisi múgedek balalarǵa jinalǵan 22 mln teńgeni qaltasyna basypty.
"Múmkindigi shekteýli balalarǵa arnap ońaltý ortalyǵyn salamyz dep jurttan jylý jinaǵan Perizat álgi aqshany jeke qajetine jumsaǵan", - deidi Elemesov.
Ol Perizat Qairattyń isi boiynsha basty kúdikti ózi men anasy ekenin aitty. Anasy alaiaqtyqqa sybailas bolyp, qylmystyq jolmen kelgen aqshany zańdastyrdy degen kúdikke ilingen.
Perizat Qairatqa "alaiaqtyq" jáne "qylmystyq jolmen tapqan qarajatty zańdastyrý" baby boiynsha aiyp taǵylyp otyr. Agenttik ókilderiniń habarlaýynsha, is naýryz aiynda sotqa beriledi. Ázirge kúdikti qamaýda otyr, sot onyń bultartpaý sharasyn uzartqan.
Tergeýshiler is materialdarynyń kólemi 100 tomdy quraitynyn aitady.
Perizat Qairat byltyrǵy jyldyń qarashasynda qamaýǵa alynǵan. Tergeý málimetinshe ol kóktemgi tasqynnan zardap shekkenderge kómek kórsetý maqsatynda qarajat jinaǵanmen, aqshanyń basym bóligin jyljymaityn múlik pen qymbat buiymdar satyp alýǵa jumsaǵan.
