video kadrdan: tengrinews.kz
Sot sanktsiiasy boiynsha, qoǵamdyq qaiyrymdylyq qorynyń teń quryltaishysy ári jetekshisi Perizat Qairattyń jyljymaityn múlki men buiymdaryna buǵat qoiyldy, - dep habarlaidy ult.kz.
Sottyń sanktsiiasy boiynsha, qylmystyq jolmen alynǵan qarajatqa satyp alynǵan Astanadaǵy "Akbulak Riviera", "Highvill Ishim Gold", "Kók Jailaý" (turaq oryndaryn qosa alǵanda), "Sensata Plaza" TK, sondai-aq "Vela Village" kottedj qalashyǵyndaǵy elitalyq jyljymaityn múlik, Mercedes-Benz S450, Mercedes-Benz EQE 500, Lexus LX-600, Haval avtomobilderine buǵat quiylǵan.
"Perizat Qairattyń turǵylyqty jerin tintý barysynda qaiyrymdylyqqa jinalǵan qarajatqa satyp alynǵan qymbat tehnika, Cartier, Graff, Rolex, Bulgari, Gucci, Louis Vuitton, Versace, Chopard, Hermes, Dolce & Gabbana, Prada jáne t. b. siiaqty tanymal álemdik brendterdiń kiim, aiaq kiim, zergerlik buiymdar, sómkeleri tabylyp, tárkilendi", - delingen habarlamada.
Tárkilengen múlik zattai dáleldemeler retinde tanylyp, is materialdaryna qosylǵany aityldy. Tárkilengen zattar boiynsha sot anyqtaityn bolady. Tergeý jalǵasyp jatyr.
QR QPK-niń 201-baby tártibindegi ózge de aqparat jariialanbaidy.
"Eger siz Perizat Qairattyń qarajattyń, jyljymaityn múliktiń jáne basqa da múliktiń (onyń ishinde úshinshi tulǵalarǵa resimdelgen) ornalasqan jeri týraly aqparatty bilseńiz, Qarjylyq monitoring agenttigine nemese +7 (7172) 70-84-78, 70-84-79 (qosymsha nómiri: 21384) telefon nómiri boiynsha habarlasýyńyzdy suraimyz", - delingen QMA habarlamasynda.
Eske salaiyq, ol kóktemgi sý tasqynynan zardap shekken azamattarǵa kómek kórsetý úshin, sondai-aq Palestina turǵyndaryna gýmanitarlyq kómek kórsetý maqsatynda jinalǵan 1,7 milliard teńgeden astam qarajatty jymqyrdy degen kúdikke ilingen bolatyn.
