Astana qalasynda ótip jatqan Perizat Qairattyń isi boiynsha sot otyrysynda onyń qoryna ártúrli somada aqsha aýdarǵan jábirlenýshiler kýálik berip jatyr, dep habarlaidy Ult.kz.
Jábirlenýshiler arasynda jeke tulǵalar, bankter, iri kompaniialar bar.
Astana qalasyndaǵy fizika-matematika baǵytyndaǵy Nazarbaev Ziiatkerlik mektebi ata-analar komitetiniń músheleri de jábirlenýshi retinde tanyldy.
Ata-analar komitetiniń ókili Sáýle Qýandyqovanyń sózinshe ata-analar 2024 jyldyń kókteminde qor júrgizgen jarnamalyq kompaniiaǵa senip, tasqynnan zardap shekkenderge kómek kórsetý úshin 15 sáýir kúni Kaspi arqyly «Biz Birgemiz Qazaqstan 2030» qorynyń shotyna 901 855 teńge aýdarǵan.
«Jarnama kóbinese Instagram-da jii shyǵyp júrdi. Biz naqtylap qarap, bul qordyń basqa da qaiyrymdylyq istermen ainalysqanyn bildik», – dedi ol.
Ata-analar jiberilgen aqshany qaitaryp alyp, ony muǵalimniń emine jumsaǵysy keletinderin aitty.
