استانا قالاسىندا ٶتٸپ جاتقان پەريزات قايراتتىڭ ٸسٸ بويىنشا سوت وتىرىسىندا ونىڭ قورىنا ەرتٷرلٸ سومادا اقشا اۋدارعان جەبٸرلەنۋشٸلەر كۋەلٸك بەرٸپ جاتىر, دەپ حابارلايدى Ult.kz.
جەبٸرلەنۋشٸلەر اراسىندا جەكە تۇلعالار, بانكتەر, ٸرٸ كومپانييالار بار.
استانا قالاسىنداعى فيزيكا-ماتەماتيكا باعىتىنداعى نازارباەۆ زيياتكەرلٸك مەكتەبٸ اتا-انالار كوميتەتٸنٸڭ مٷشەلەرٸ دە جەبٸرلەنۋشٸ رەتٸندە تانىلدى.
اتا-انالار كوميتەتٸنٸڭ ٶكٸلٸ سەۋلە قۋاندىقوۆانىڭ سٶزٸنشە اتا-انالار 2024 جىلدىڭ كٶكتەمٸندە قور جٷرگٸزگەن جارنامالىق كومپانيياعا سەنٸپ, تاسقىننان زارداپ شەككەندەرگە كٶمەك كٶرسەتۋ ٷشٸن 15 سەۋٸر كٷنٸ Kaspi ارقىلى «Biz Birgemiz Qazaqstan 2030» قورىنىڭ شوتىنا 901 855 تەڭگە اۋدارعان.
«جارناما كٶبٸنەسە Instagram-دا جيٸ شىعىپ جٷردٸ. بٸز ناقتىلاپ قاراپ, بۇل قوردىڭ باسقا دا قايىرىمدىلىق ٸستەرمەن اينالىسقانىن بٸلدٸك», – دەدٸ ول.
اتا-انالار جٸبەرٸلگەن اقشانى قايتارىپ الىپ, ونى مۇعالٸمنٸڭ ەمٸنە جۇمساعىسى كەلەتٸندەرٸن ايتتى.
