Foto: ashyq derekkóz
2025 jyldyń 23 qańtarynda Perizat Qairatqa qatysty múgedek-balalarǵa arnalǵan ońaltý ortalyǵyn salýǵa aqsha jinaý alaiaqtyǵy boiynsha sotqa deiingi jańadan tergeý tirkeldi, dep habarlaidy Ult.kz QR Qarjy moniitoring agenttigine silteme jasap.
Perizat Qairat 2021 jyldyń qarasha aiynda Aqmola oblysynda «Batyr» qoǵamdyq birlestigine ońaltý ortalyǵyn salý úshin aqsha jinaý maqsatynda qaiyrymdylyq aýktsionyn uiymdastyrǵan. Jurttyń senimin arttyrý úshin ońaltý ortalyǵyna muqtaj múgedek-balalar men olardyń ata-analaryn is-sharaǵa tartqan.
"Perizat Qairat tarapynan taratylǵan jalǵan derekter boiynsha 48 million teńge jinalyp, quny 100 million teńge ǵimarat syiǵa tartylǵan. Alaida, aýktsion kezinde shyn máninde 22 million teńge túsken, osy aqshany ol óziniń jeke qajetine jaratqan. Sonymen qatar, «Batyr» qoǵamdyq birlestigi úshin quny 30 mln teńge jer telimin satyp alǵanyn málimdegen, alaida bul ýchastokty 2019 jyly birlestik ózi satyp alǵan", – delingen QMA habarlamasynda.
Buǵan deiin tergeýshiler is materialdarynyń kólemi 100 tomdy quraitynyn aitqan.
