Almaty oblysynyń Politsiia departamenti Penjim aýylyndaǵy jappai tóbeleske qatysty pikir bildirdi, - dep habarlaidy Tengrinews.kz.
Vedomstvo málimetinshe, 27 qazanda saǵat 20:00-de 102 pýltine Penjim aýylynda mektep oqýshylary arasyndaǵy tóbeleske qatysýshylardyń biriniń úii mańyna 30-ǵa jýyq adam jinalǵany týraly aqparat túsken.
"Bir top adam birqatar jekemenshik úi terezesin, sondai-aq birneshe kólikti syndyrǵan. Bul derekke qatysty QR Qylmystyq kodeksiniń 293 babynyń 2-bólimi ("Bir top adamdar jasaǵan buzaqylyq") boiynsha qylmystyq is qozǵaldy", - delingen habarlamada.
Sondai-aq, politseiler aýyldaǵy úilerdiń birinde órt shyqqany týraly aqparatqa qatysty túsinikteme berdi.
"Saǵat 22:45-te Panfilov aýdandyq politsiianyń kezekshi bólimine Penjim aýylyndaǵy jańa ǵimarattaǵy úide órt shyqqany týraly habarlama kelip tústi. Úi iesiniń aitýynsha, órttiń shyǵýyna pesh júiesindegi aqaý sebep bolǵan. Saǵat 23.30 shamasynda órt oqshaýlandy. Zardap shekkender joq. Bul órttiń oqiǵaǵa qatysy joq", - dedi politsiia ókilderi.
"Almaty oblysynyń Politsiia departamenti shyndyqqa janaspaityn aqparat taratqany úshin qylmystyq jaýapkershilik qarastyrylǵanyn eskertedi", - delingen habarlamada.
Aita keteiik, 27 qazanda Almaty oblysyndaǵy Penjim aýylynyń mektep territoriiasynda jappai tóbeles bolyp, 16 jastaǵy bala aýrýhanaǵa túskeni habarlanǵan bolatyn. Oqiǵa ornynan video Instagram-daǵy aqparat.kz paraqshasynda taraldy.
