الماتى وبلىسىنىڭ پوليتسييا دەپارتامەنتٸ پەنجٸم اۋىلىنداعى جاپپاي تٶبەلەسكە قاتىستى پٸكٸر بٸلدٸردٸ, - دەپ حابارلايدى Tengrinews.kz.
ۆەدومستۆو مەلٸمەتٸنشە, 27 قازاندا ساعات 20:00-دە 102 پۋلتٸنە پەنجٸم اۋىلىندا مەكتەپ وقۋشىلارى اراسىنداعى تٶبەلەسكە قاتىسۋشىلاردىڭ بٸرٸنٸڭ ٷيٸ ماڭىنا 30-عا جۋىق ادام جينالعانى تۋرالى اقپارات تٷسكەن.
"بٸر توپ ادام بٸرقاتار جەكەمەنشٸك ٷي تەرەزەسٸن, سونداي-اق بٸرنەشە كٶلٸكتٸ سىندىرعان. بۇل دەرەككە قاتىستى قر قىلمىستىق كودەكسٸنٸڭ 293 بابىنىڭ 2-بٶلٸمٸ ("بٸر توپ ادامدار جاساعان بۇزاقىلىق") بويىنشا قىلمىستىق ٸس قوزعالدى", - دەلٸنگەن حابارلامادا.
سونداي-اق, پوليتسەيلەر اۋىلداعى ٷيلەردٸڭ بٸرٸندە ٶرت شىققانى تۋرالى اقپاراتقا قاتىستى تٷسٸنٸكتەمە بەردٸ.
"ساعات 22:45-تە پانفيلوۆ اۋداندىق پوليتسييانىڭ كەزەكشٸ بٶلٸمٸنە پەنجٸم اۋىلىنداعى جاڭا عيماراتتاعى ٷيدە ٶرت شىققانى تۋرالى حابارلاما كەلٸپ تٷستٸ. ٷي يەسٸنٸڭ ايتۋىنشا, ٶرتتٸڭ شىعۋىنا پەش جٷيەسٸندەگٸ اقاۋ سەبەپ بولعان. ساعات 23.30 شاماسىندا ٶرت وقشاۋلاندى. زارداپ شەككەندەر جوق. بۇل ٶرتتٸڭ وقيعاعا قاتىسى جوق", - دەدٸ پوليتسييا ٶكٸلدەرٸ.
"الماتى وبلىسىنىڭ پوليتسييا دەپارتامەنتٸ شىندىققا جاناسپايتىن اقپارات تاراتقانى ٷشٸن قىلمىستىق جاۋاپكەرشٸلٸك قاراستىرىلعانىن ەسكەرتەدٸ", - دەلٸنگەن حابارلامادا.
ايتا كەتەيٸك, 27 قازاندا الماتى وبلىسىنداعى پەنجٸم اۋىلىنىڭ مەكتەپ تەرريتوريياسىندا جاپپاي تٶبەلەس بولىپ, 16 جاستاعى بالا اۋرۋحاناعا تٷسكەنٸ حابارلانعان بولاتىن. وقيعا ورنىنان ۆيدەو Instagram-داعى aqparat.kz پاراقشاسىندا تارالدى.
