AQSh-tyń qorǵanys ministrligi Reseidiń qanatty zymyrandar júiesin kúsheitýi qarýlanýdy qysqartý týraly kelisimge qaishy keledi dep esepteidi.
AQSh qarýly kúshteriniń shtab basshylary komitetiniń vitse-tóraǵasy Pol Selvanyń aitýynsha, Máskeýdiń bul áreketi NATO-nyń Eýropadaǵy kóptegen nysandaryna qaýip tóndiredi.
The New York Times gazeti aqpan aiynda habarlaǵandai, Resei qanatty zymyrandardyń jańa júiesin kúsheitý arqyly 1987 jyly AQSh pen KSRO arasynda ortasha jáne qysqa qashyqtyqqa arnalǵan zymyrandardy joiý týraly kelisimin buzdy. Resei prezidentiniń baspasóz hatshysy Dmirii Peskov bul maqalany joqqa shyǵardy. Onyń aitýynsha, Resei "óziniń halyqaralyq mindetterin oryndai beredi".
Kelisim 1988 jyldyń 1 maýsymynda kúshine engen. AQSh pen KSRO 500-den 5500 shaqyrymǵa deiingi ortasha jáne qysqa qashyqtyqqa arnalǵan ballistikalyq jáne qanatty zymyrandardy jasaýdan jáne synaqtan ótkizýden bas tartty.
