Parlament Májilisi «Qazaqstan Respýblikasynyń keibir zańnamalyq aktilerine halyqtyń kóshi-qony salasyndaǵy zańnamany jetildirý máseleleri boiynsha ózgerister men tolyqtyrýlar engizý týraly» zań jobasyn talqylaityn bolady. Bul qujatta balalarǵa zorlyq-zombylyq kórsetkender men terrorizmge qatystylardyń elge kelýine tyiym salý eskerilgen, dep habarlaidy QazAqparat.
Zań jobasyn bir top depýtat halyqtyń kóshi-qon týraly zańynyń jáne qoldanystaǵy ózge de zańdardy jetildirý maqsatynda ázirledi.
«Zań jobasy kóshi-qon salasyndaǵy zańnamanyń saqtalýyna memlekettik baqylaýdy júzege asyrý tártibin aiqyndaý, kámeletke tolmaǵandardyń jynystyq tiispeýshiligine qarsy qylmystar úshin sottalǵandardyń bizdiń elge kelýin, Qazaqstan Respýblikasynyń azamattyǵyn alýyn shekteý, ekstremistik nemese terroristik áreketke qatysy bar sheteldikterge elimizge kelýine tyiym salý, tótenshe jaǵdailarda qoldanylý merzimi ótken qujattardy paidalaný máselelerin retteý jáne basqa túzetýlerdi kózdeidi, - dedi Májilistiń Zańnama jáne sot-quqyqtyq reforma komitetiniń hatshysy, depýtat Snejanna Imasheva.
