Almatydaǵy Nur-Múbarak islam mádenieti ýniversitetinde oqylǵan dáristegi «pedofildiń bolýy — Allanyń baryna dálel» degen ustazdyń sózi áleýmettik jelide qyzý talqyǵa tústi, dep habarlaidy Ult.kz Orda.kz basylymyna silteme jasap.
Áleýmettik jelide Nur-Múbarak islam mádenieti ýniversitetinde ustazdyń ótkizgen dárisi tarap ketti. Beinejazbada ustaz Allanyń baryna dálelderdiń biri retinde pedofilderdiń bar ekenin alǵa tartady. Jeli qoldanýshylary bul mysaldyń mánin jáne ustazdyń ne aitqysy kelgenin túsinbei, narazylyq bildirdi.
«Pedofildiń bolýy — Allanyń bar ekenine dálel. Nege olai dep oilaisyzdar? Jigitter, eger Alla bolmasa ári bizdiń qalaýymyz bolsa, onda pedofil bolmas edi. Bizdiń qalaǵan nárseniń qarsysy bolyp tur. Ol neni bildiredi? Onda seniń qalaýyńnyń oryndalmaýyn bireý qalap tur. Sende búkil nárseniń oryndalmaýy osyǵan dálel», — dedi dáris oqýshy.
Ustazdyń aty-jóni ázirge belgisiz. Alaida videony jariialaǵan áleýmettik jeli qoldanýshysy onyń dál osy dini oqý ornynda ustazdyq etetinin jazǵan.
«Budan tómen qaida jaqqa quldyraýǵa bolady? «Pedofilder — Allanyń bar ekeniniń dáleli».
Aitpaqshy, bul sózdi qarapaiym adam emes, Almatydaǵy Nur-Múbarak islam ýniversitetiniń oqytýshysy aityp otyr», — dedi jeli qoldanýshysy.
