Biliktilikti arttyrý kýrstary endi pedagogter úshin 5 jylda bir ret emes, 3 jylda bir ret ótkiziletin bolady, dep habarlaidy QazAqparat.
Bul jóninde QR Bilim jáne ǵylym ministri Ashat Aimaǵambetov Úkimet otyrysynda málim etti.
«Bolashaq pedagogterdi daiyndaý sapasyn arttyrý úshin, salalyq biliktilik sheńberin jáne «Pedagog» kásibi standartyn búgingi zaman talaptaryna sai ózgertemiz.
Pán muǵalimderiniń tapshylyǵy problemalaryn sheshý úshin qaita daiarlaý tetigin qoldanamyz. Mysaly, mamandyǵy muǵalim emes, biraq kásibi bilimi men tájiribesi jetkilikti mamandar muǵalimdikke qaita daiarlaý arqyly tartylatyn bolady», - dedi vedomstvo basshysy.
Ministr budan bylai pedagogter biliktiligin ár 3 jyl saiyn arttyrýǵa mindetti bolatynyn atady.
«Memleket basshysynyń tapsyrmasymen biliktilikti arttyrý kýrstary endi pedagogter úshin 5 jylda bir ret emes, 3 jylda bir ret ótkiziletin bolady. Tiisti zań jobasy Parlamentte qarastyrylýda. Pedagogterdiń kýrstarynyń mazmuny da aitarlyqtai ózgeredi.
Pedagogterdi jumysqa qabyldaý, attestattaý protsesterin avtomattandyrý josparlanýda, EduKyzmet biryńǵai aqparattyq júiesinde muǵalimniń jeke kabineti, portfoliosy ashyq túrde jinalady. Bul júie sybailas jemqorlyq táýekelderin joiý úshin óte mańyzdy», - dedi ministr.
Ashat Aimaǵambetov mektep direktorlaryn rotatsiialaý rásimi biyldan bastap tolyǵymen júzege asyrylatyn eske saldy.
