Qazaqstan Respýblikasynyń Prezidenti Nursultan Nazarbaevtyń elimizdiń áleýmettik-ekonomikalyq damýynyń ózekti máselelerine jáne qazaqstandyqtardyń ál-aýqatyn odan ári arttyrý mindetterin saralaǵan Joldaýyn teledidardan sol kúni tolyq tyńdadym.
Joldaýda barlyq áleýmettik salany qamtyǵan mindetter ashyq aityldy. Sonymen birge oryndalmai jatqan tapsyrmalar, kemshilikter de ashyna aityldy. Nursultan Ábishulynyń eń aldymen qarapaiym halyqtyń jaǵdaiyn tereń oilaityn kóregen basshy ekenin atap kórsetkim keledi. Sebebi, jastardyń turǵyn úimen qamtylýy, olardyń alǵashqy jarna somasyn memleket esebinen jeńildikpen tóleýine barlyq ákimderdi mindetteýi – baspana alýǵa qol jetkize almai júrgen milliondaǵan jastardyń úmitterine sáýle shashyp otyr.
Mamandyǵym muǵalim bolǵandyqtan, Elbasynyń bilim salasy týraly aitqan árbir sóilemine muqiiat nazar aýdardym. «Pedagogtardyń mártebesi týraly» zań shyǵarý jóninde Prezidenttiń aitqan sózi shákirt tárbielep júrgen árbir jandy tolqytyp tastady desem, artyq aitqandyq emes. Burynnan beri aitylyp-aitylyp, sol aitylǵan jerde qalyp ketetin muǵalimderdi sailaýǵa jegý, zaldy toltyrý úshin jiyndarǵa eriksiz aparý, basqa da tolyp jatqan qoǵamdyq jumystardy moiyndaryna artyp qoiý sekildi sharýalardy endigi jerde Elbasynyń ózi toqtatpaq. Ustazdar munan bylaiǵy ýaqytta tek shákirt tárbieleýmen ainalyspaq. Muǵalimderdiń mártebesin arttyrý máselesi kópten beri qozǵalyp júrgenimen, eshqandai nátije shyǵyp jatqan joq edi. Endi muǵalim mamandyǵynyń eń bir qurmetti mamandyqqa ainalýy úshin arnaiy zań ómirge keletin boldy.
Memleket basshysy aitqan bul aqjoltai habar muǵalimderdi serpiltti desek jańylyspaimyz.
Roza JÚNISQULOVA,
«Jaýshyqum» mektep-litseiiniń direktory,
aýdandyq máslihattyń depýtaty.
Shardara aýdany.
.jpeg)