Mektep kitaphanashylarynyń áleýetin kóterýge erekshe mán beriledi. Bul týraly QR BǴM «Oqýlyq» Respýblikalyq ǵylymi-praktikalyq ortalyǵynyń direktory Ǵani Beisenbaev málim etti, dep habarlaidy "Ult aqparat".
«Atqarylyp jatqan jumystar kadrlyq áleýetti kóterýge negizdelgen. Bul baǵytta birinshi kezekte mektep kitaphanashysyn pedagog-kitaphanashy degen ataýmen ózgertý usynylyp otyr. Ol baǵytta Bilim ministrliginiń 123-shi buiryǵyna ózgerister engizý jumysy bastaldy. Sonymen qatar, mektep kitaphanashylarynyń biliktiligin kóterý baǵytynda jumystar iske asyrylýda. Bul oraida Respýblikalyq ǵylymi-pedagogikalyq kitaphana tiisti sharalardy júzege asyrýda», - dedi Ǵ. Beisenbaev Bilim ministrliginiń apparat jinalysynda.
Onyń sózine qaraǵanda, mektep kitaphanashysynyń áleýetin kóterý turǵysynda jańa onlain oqytý, bilim júielerin engizý eskerilgen.
«Kitaphanalardyń áleýetin qarap shyqtyq, olardyń jaǵdaiy syn kótermeitindigi kórinip tur. Osy oraida tek kórkem ádebietterdi ǵana qamtyp qoimai, mekteptegi kitaphananalardyń materialdyq-tehnikalyq bazasyn kúsheitý máselesin de jol kartasyna engizdik», - dedi ortalyq basshysy.
