Prezidentke qańtar oqiǵasy kezinde zardap shekken nysandardy qalpyna keltirý úshin qabyldanǵan sharalar týraly baiandaldy. Ministrlik keiingi 3 jylda paidalanýǵa berilgen turǵyn úilerge tekseris júrgizip, statistikalyq derekterdi anyqtady. Básekelestikti qorǵaý jáne damytý agenttigimen birlesip, qurylys naryǵyn monopoliiadan aryltý jáne onyń básekege qabilettiligin arttyrý jóninde sharalar toptamasyn ázirledi. Sondai-aq, baspanasy joq, jaǵdaiy nashar azamattardy qoldaýǵa baǵyttalǵan jańa memlekettik turǵyn úi baǵdarlamasy iske qosyldy. Búginge deiin osy baǵdarlama boiynsha 2,5 myń ótinim maquldandy.
Ministrdiń aitýynsha, ónerkásip salasynda import almastyrýǵa baǵyttalǵan 700 mańyzdy investitsiialyq joba daiarlanǵan. Arnaýly ekonomikalyq aimaqtar jumysynyń tiimdiligin arttyrý jóninde sheshimder qabyldanǵan. Paidaly qazbalar ken oryndarynyń bárine tekseris júrgizilgen. Qazir 118 litsenziianyń qyzmeti toqtatylǵan. 57 kelisimshart úzilgen. Jer qoinaýyn paidalanýshylarǵa olqylyqtardy joiý úshin 73 eskertpe joldanǵan. Taý-ken jáne metallýrgiialyq kásiporyndarmen birlesip, orta jáne joǵarǵy shekteýli óńdeýshi ónimder óndirisin órkendetý úshin keshendi sharalar ázirlengen.
Sonymen qatar, ministrlik elimizdiń tranzittik áleýetin arttyrý jáne keden logistikasy salasyna iri halyqaralyq kompaniialardy tartý úshin aýqymdy jumystar júrgizdi.
Qaiyrbek Óskenbaev respýblikalyq mańyzy bar tasjoldardy jańǵyrtý, jóndeý jáne salý jumystaryna da arnaiy toqtaldy.
Prezident elimizdiń kúre joldary qurylysyna qatysty máseleniń strategiialyq mańyzy bar ekenin atap ótip, onyń airyqsha baqylaýda bolatynyn eske saldy. Sonymen qatar, Qasym-Jomart Toqaev kórshiles memlekettermen ekonomikalyq yntymaqtastyqty damytý qajet ekenine nazar aýdaryp, ministrge birqatar naqty tapsyrma berdi.
