Prezident Qasym-Jomart Toqaev Úkimettiń keńeitilgen otyrysynda eldegi bazarlardyń jumysyn zań aiasynda retteýdi tapsyrdy, dep habarlaidy QazAqparat.
«Saýda-sattyqtaǵy tiimsiz deldaldyqqa toqtaý salatyn kez keldi. Mysaly, 3 mln adam turatyn Almaty qalasy men onyń tóńiregindegi eldi meken turǵyndary tutyný taýarlaryn kóbine «Altyn orda» bazarynan alady. Almaty oblysy men Almaty qalasynyń ákimderine Úkimetpen birlesip, bazarda tártip ornatýdy tapsyramyn. Bul jer paidakúnemder úshin naǵyz maishelpekke ainalǵan. Buǵan Alamtydaǵy qańtar oqiǵasy kezinde anyq kóz jetkizdik», - dedi Memleket basshysy.
Ol bul iske qajet bolǵan jaǵdaida quqyq qorǵaý oryndaryn aralastyrýǵa bolatynyn aitty.
«Bul - basqa óńirlerge de qatysty másele. Qajet bolsa, osy jumysqa quqyq qorǵaý organdary atsalyssyn», - degen Prezident atalmysh máseleni retteýge eki ai ýaqyt beriletinin eskertti.
