پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا ەلدەگٸ بازارلاردىڭ جۇمىسىن زاڭ اياسىندا رەتتەۋدٸ تاپسىردى, دەپ حابارلايدى قازاقپارات.
«ساۋدا-ساتتىقتاعى تيٸمسٸز دەلدالدىققا توقتاۋ سالاتىن كەز كەلدٸ. مىسالى, 3 ملن ادام تۇراتىن الماتى قالاسى مەن ونىڭ تٶڭٸرەگٸندەگٸ ەلدٸ مەكەن تۇرعىندارى تۇتىنۋ تاۋارلارىن كٶبٸنە «التىن وردا» بازارىنان الادى. الماتى وبلىسى مەن الماتى قالاسىنىڭ ەكٸمدەرٸنە ٷكٸمەتپەن بٸرلەسٸپ, بازاردا تەرتٸپ ورناتۋدى تاپسىرامىن. بۇل جەر پايداكٷنەمدەر ٷشٸن ناعىز مايشەلپەككە اينالعان. بۇعان الامتىداعى قاڭتار وقيعاسى كەزٸندە انىق كٶز جەتكٸزدٸك», - دەدٸ مەملەكەت باسشىسى.
ول بۇل ٸسكە قاجەت بولعان جاعدايدا قۇقىق قورعاۋ ورىندارىن ارالاستىرۋعا بولاتىنىن ايتتى.
«بۇل - باسقا ٶڭٸرلەرگە دە قاتىستى مەسەلە. قاجەت بولسا, وسى جۇمىسقا قۇقىق قورعاۋ ورگاندارى اتسالىسسىن», - دەگەن پرەزيدەنت اتالمىش مەسەلەنٸ رەتتەۋگە ەكٸ اي ۋاقىت بەرٸلەتٸنٸن ەسكەرتتٸ.
