Pavlodarlyq politseiler tasjolda apattyq jaǵdai týdyrǵan júrgizýshini ustady, - dep habarlaidy Polisia.kz.
Oqiǵa 18 qyrkúiek saǵat 18.40 shamasynda Pavlodar-Qyzylorda tasjolynda bolǵan.
"Avtojolda kele jatqan Infiniti QX80 445AGJ01 avtokóligi basqa kólikterdiń ótýine tosqaýyl qoiyp, qasaqana apattyq jaǵdai týǵyzyp kele jatqany týraly aqparat tústi", – dedi Pavlodar oblysy Politsiia departamenti patrýldik politsiia rotasynyń komandiri Azamat Qaliaqparov.
Shaqyrý boiynsha dereý shyqqan avtopatrýl oqiǵa ornyna kele sala kólikti toqtatýǵa kiristi. Alaida júrgizýshi politsiianyń kólikti toqtatý týraly zańdy talaptaryna baǵynbastan, apattyq jaǵdai týdyryp, oqiǵa ornynan joǵary jyldamdyqpen ketip qalǵan.
Patrýldik politsiia rotasynyń qyzmetkerleri kólikti ustaý boiynsha sharalar qabyldap, nátijesinde ol Ekibastuz óńirindegi Shiderti kentiniń mańaiynda ustalǵan. Politsiia júrgizýshi elordanyń 39 jastaǵy turǵyny ekenin anyqtady. Avtokólik arnaiy aiyp turaǵyna qoiylǵan. Meditsinalyq kýálandyrýǵa sáikes, júrgizýshi sergek ári saý bolǵan. Júrgizýshi bul minez-qulqynyń sebebin túsindire almaǵan.
Oǵan qatysty birneshe ákimshilik materialdar qozǵalǵan:
- QR ÁQBtK-niń 590-baby 2-bóligi boiynsha, iaǵni avtokólikti memlekettik tirkeý nómirlik belgisinsiz basqarǵany úshin (aldynda MTNB bolmaǵan). Júrgizýshi 10 AEK kóleminde aiyppul arqalaǵan;
- QR ÁQBtK-niń 613-baby 1-bóligi boiynsha, iaǵni kólik quralyn basqaryp, politsiia qyzmetkerleriniń kólik quralyn toqtatý týraly zańdy talaptaryn oryndamaǵany úshin 40 AEK kóleminde aiyppul salynǵan.
- QR ÁQBtK-niń 606-baby 1-bóligi ("Kólik quralyn basqarý úshin jol qozǵalysynyń basqa qatysýshylaryn jyldamdyqty kúrt ózgertýge májbúr etip, avariialyq jaǵdai týǵyzý") boiynsha 10 AEK aiyppul salynǵan.
