پاۆلودارلىق پوليتسەيلەر تاسجولدا اپاتتىق جاعداي تۋدىرعان جٷرگٸزۋشٸنٸ ۇستادى, - دەپ حابارلايدى Polisia.kz.
وقيعا 18 قىركٷيەك ساعات 18.40 شاماسىندا پاۆلودار-قىزىلوردا تاسجولىندا بولعان.
"اۆتوجولدا كەلە جاتقان Infiniti QX80 445AGJ01 اۆتوكٶلٸگٸ باسقا كٶلٸكتەردٸڭ ٶتۋٸنە توسقاۋىل قويىپ, قاساقانا اپاتتىق جاعداي تۋعىزىپ كەلە جاتقانى تۋرالى اقپارات تٷستٸ", – دەدٸ پاۆلودار وبلىسى پوليتسييا دەپارتامەنتٸ پاترۋلدٸك پوليتسييا روتاسىنىڭ كومانديرٸ ازامات قالياقپاروۆ.
شاقىرۋ بويىنشا دەرەۋ شىققان اۆتوپاترۋل وقيعا ورنىنا كەلە سالا كٶلٸكتٸ توقتاتۋعا كٸرٸستٸ. الايدا جٷرگٸزۋشٸ پوليتسييانىڭ كٶلٸكتٸ توقتاتۋ تۋرالى زاڭدى تالاپتارىنا باعىنباستان, اپاتتىق جاعداي تۋدىرىپ, وقيعا ورنىنان جوعارى جىلدامدىقپەن كەتٸپ قالعان.
پاترۋلدٸك پوليتسييا روتاسىنىڭ قىزمەتكەرلەرٸ كٶلٸكتٸ ۇستاۋ بويىنشا شارالار قابىلداپ, نەتيجەسٸندە ول ەكٸباستۇز ٶڭٸرٸندەگٸ شٸدەرتٸ كەنتٸنٸڭ ماڭايىندا ۇستالعان. پوليتسييا جٷرگٸزۋشٸ ەلوردانىڭ 39 جاستاعى تۇرعىنى ەكەنٸن انىقتادى. اۆتوكٶلٸك ارنايى ايىپ تۇراعىنا قويىلعان. مەديتسينالىق كۋەلاندىرۋعا سەيكەس, جٷرگٸزۋشٸ سەرگەك ەرٸ ساۋ بولعان. جٷرگٸزۋشٸ بۇل مٸنەز-قۇلقىنىڭ سەبەبٸن تٷسٸندٸرە الماعان.
وعان قاتىستى بٸرنەشە ەكٸمشٸلٸك ماتەريالدار قوزعالعان:
- قر ەقبتك-نٸڭ 590-بابى 2-بٶلٸگٸ بويىنشا, ياعني اۆتوكٶلٸكتٸ مەملەكەتتٸك تٸركەۋ نٶمٸرلٸك بەلگٸسٸنسٸز باسقارعانى ٷشٸن (الدىندا متنب بولماعان). جٷرگٸزۋشٸ 10 اەك كٶلەمٸندە ايىپپۇل ارقالاعان;
- قر ەقبتك-نٸڭ 613-بابى 1-بٶلٸگٸ بويىنشا, ياعني كٶلٸك قۇرالىن باسقارىپ, پوليتسييا قىزمەتكەرلەرٸنٸڭ كٶلٸك قۇرالىن توقتاتۋ تۋرالى زاڭدى تالاپتارىن ورىنداماعانى ٷشٸن 40 اەك كٶلەمٸندە ايىپپۇل سالىنعان.
- قر ەقبتك-نٸڭ 606-بابى 1-بٶلٸگٸ ("كٶلٸك قۇرالىن باسقارۋ ٷشٸن جول قوزعالىسىنىڭ باسقا قاتىسۋشىلارىن جىلدامدىقتى كٷرت ٶزگەرتۋگە مەجبٷر ەتٸپ, اۆارييالىق جاعداي تۋعىزۋ") بويىنشا 10 اەك ايىپپۇل سالىنعان.
