Foto: freepik
Prokýratýra qyzmetkerleri jeke pansionatta qarttardy uryp-soǵyp, alaiaqtyqpen ainalysyp kelgen qylmystyq topty ustady. Sotqa deiingi is júrgizý bastaldy, dep habarlaidy oblystyq prokýratýra baspasóz qyzmeti.
Pavlodarda qart adamdardy azaptaýmen jáne alaiaqtyq árekettermen ainalysatyn qylmystyq toptyń qyzmeti toqtatyldy. Qalalyq prokýratýra politsiia departamentimen birlesip, múgedektigi bar zeinetkerlerdi únemi uryp-soqqan jeke pansionatty anyqtady.
– Pansionat qyzmetkerleri 20 qart adamnyń konstitýtsiialyq quqyqtaryn óreskel buzǵan (tamaqtanýyn, qozǵalysyn shektegen, uryp-soqqan) jáne uzaq ýaqyt boiy qaitys bolǵan adamdardyń páterlerin jalǵa berip kelgen, – dep málimdedi prokýratýradan.
Atalǵan derekter boiynsha sotqa deiingi is júrgizý bastaldy. Olardy tergep-tekserý ishki ister organdaryna tapsyryldy.
QR Qylmystyq protsessýaldyq kodekstiń 201-babyna sáikes tergeý múddesi úshin ózge aqparat jariia etilmeidi.
