Pavlodardaǵy mektep oqýshysy Iaroslava Kravchýk Kanysh atty shaǵyn ǵarysh apparattarynyń maketin jasady. Makettiń kómegimen kometalar men asteroidter topyraǵynan sýtegi otynyn óndirýge bolady. Mektep oqýshysynyń ónertabysyn NASA ókilderi oń baǵalap, ǵarysh ortalyǵynda tájiribeden ótýge shaqyrdy, - dep habarlaidy Tengrinews.kz tilshisi.
Iaroslava ushý apparatynyń jobasyn Pavlodar qalasynda ótken "XXII Sátbaev oqýlary" Halyqaralyq ǵylymi konferentsiiasynda usyndy. Daiyn maketti ázirleýge, daiyndaýǵa jáne qurastyrýǵa shamamen alty ai ýaqyt ketken.
Oqýshynyń anasy Irina Kravchýktyń aitýynsha, qyzyna byltyr jazda Máskeýdegi MFTI mektebinde ótken Olimpiadaǵa qatysý kezinde jerden tys kózderden sýtegi alý ideiasy kelgen. Al kúzde Iaroslava zymyran salasy boiynsha jattyqtyrýshy almatylyq Evgenii Bovsýnovskiiden onlain sabaq ala bastady.
"Jattyqtyrýshymen ZOOM arqyly jumys istedik, 3D-model jasadyq, barlyǵyn eseptep shyqtyq. Qańtarda barlyq málimet daiyn boldy jáne biz basyp shyǵara bastadyq. Basyp shyǵarý shamamen eki aiǵa sozyldy. Dál osy ýaqytta NASA mektebine ótinish berýdiń sońǵy merzimi jaqyndap qaldy. Esse taqyryby apparat jumysynyń taqyrybymen sáikes keldi", - deidi oqýshynyń anasy.
Irina Kravchýk qyzynyń jeńisi - Pavlodar qalasynyń daryndy balalarǵa arnalǵan № 8 mektep-litseiindegi keshendi daiyndyq pen "Antares" astroklýbyndaǵy sabaqtardyń nátijesi ekenin atap ótti.
Al Iaroslavanyń aitýynsha, onyń jobasyna mamandar qyzyqqan.
"Ártúrli qajettilikke arnalǵan shaǵyn ǵarysh apparattary - bul salany damytýdyń zamanaýi úrdisi. Kanysh siiaqty qurylǵylar buryn bolmaǵan. Onyń jumys printsipi - kometaǵa jabysyp, jer men muzdy betinen jinap, taza sý alady. Sodan keiin elektroliz arqyly sýtegi men ottegi shyǵarylady, artynsha olar otyn retinde, sondai-aq adam qajettiligi úshin qoldanylady", - deidi Iaroslava.
Mektep oqýshysynyń jobasy NASA ókilderiniń kózine túsip, ol Hiýstondegi United Space School-da oqýǵa grant jeńip aldy.
