Sharbaqty aýdanynda ornalasqan «Pobeda» JShS 50 myń ga jerge bidai, arpa, tary, júgeri egedi. Mundai iri sharýashylyqty qurǵaqshylyqtan saqtaý máselesi ózekti ekeni taǵy bar. Osy oraida atalǵan mekeme saqtandyrý tólemderine mán berip otyr, - dep habarlaidy «Ult aqparat».
Paidasyn ekinshi jyl qatarynan kórip otyrǵan sharýashylyq ony jyl saiyn jasaýdy josparlap otyr.
«Ótken jyldan bastap saqtandyrýdy bastadyq. Basynda qalai bolatynyn túsinbei, senimsizdik tanytqanymyz ras. Alaida mamandardyń keńesinen keiin táýekel dep kórýge bel bailadyq. Byltyr 2020 jyly fermerler úshin óte aýyr boldy, egin egý kezinde de, jinaý kezinde de ystyq boldy. Saqtandyrýdyń arqasynda 700 myń teńge tólep, shamamen 3 million teńge aldyq. Biz táýekelge toly eginshilikte saqtandyrýdyń óte tiimdi ekenin túsindik», - dep eske alady «Pobeda» JShS injener-baǵdarlamashysy Aleksei Bezýglov.
Rasynda byltyr egilgen alqaptardan agrarshylar eshteńe alǵan joq deýge bolady, ónimdilik gektardan tsentnerdi ǵana kórsetti.
Aleksei Bezýglovtyń aitýynsha, sharýashylyq biyl da ylǵal deńgeiin aldyn-ala tekserip, daqyldar kóterile almaityn jerlerdi anyqtaǵan. 1500-ga dándi jáne 500 ga maily daqyldar saqtandyrylyp, 2 million teńgeden astam qarajat qaitarylǵan.
Elimizde kóp sharýalar saqtandyrýdy túsine bermeidi. Ony bos shyǵyn dep esepteýi ábden múmkin. Degenmen, sharýalar daqyldar saqtandyrylǵan bolsa, shyǵyndardyń kem degende bir bóligin óteýge bolatyndyǵyn túsinýi kerek. Máselen, saqtandyrý úshin 300 myń teńge berip, million alýǵa bolady.
Aita keteiik, saqtandyrý www.qoldau.kz saitynyń Agroinsurance júiesinde ótedi. Tirkelip, saqtandyrǵyńyz keletin bólimdi, saqtandyrý kompaniiasyn tańdaisyz jáne shart qunynyń 50%-yn tóleisiz. Qalǵan 50%-yn memlekettik operator - Aýyl sharýashylyǵyn qarjylai qoldaý qory engizedi. Eń tiimdisi, mamandardyń mekenderge barýynyń qajeti joq. Sharýashylyq tólemge ótinish beredi jáne táýekelder úshin ótemaqysyn alady.
Aýyl sharýashylyǵyn qarjylai qoldaý qorynyń basqarýshy direktory - Basqarma múshesi Asqar Qalievtiń aitýynsha, 7 óńirde jáne astanada 121,3 myń ga jer saqtandyrylǵan eken.
«Saqtandyrýǵa áli de mán bermei otyrǵan sharýalar bar. Degenmen, saqtandyrýdyń paidasyn kórip úlgergender de jeterlik. Agrarshylar kelisimsharttar boiynsha alǵashqy tólemderdi alyp jatyr. Mysaly, 39 myń ga egistigin saqtandyrǵan 32 sharýashylyq 190,5 million teńge mólsherinde tólem alady. Osy sharttar boiynsha saqtandyrý syilyqaqysy 319 million teńgeni qurady, onyń jartysyn sharýashylyqtar tóledi, jartysyn sýbsidiialar retinde agrosaqtandyrý salasyndaǵy operator bolyp tabylatyn bizdiń kompaniia tóledi», - deidi Aýyl sharýashylyǵyn qarjylai qoldaý qorynyń basqarýshy direktory - Basqarma múshesi Asqar Qaliev.
Belgili bolǵanyndai, 14 shildege deiin agrarshylar topyraqtaǵy artyq ylǵaldylyq indeksi boiynsha, iaǵni egin jinaý kezeńindegi jańbyr úshin shart jasasqan. Al ótken jyly mal sharýashylyǵyndaǵy saqtandyrý óz sharýashylyǵynyń aýmaǵynda nemese 5 km radiýstaǵy kórshi sharýashylyqtardyń aýmaǵynda aýrýlar, órt, jazataiym oqiǵalar, apattar jáne urlyqtar nátijesinde iri qara maldyń óliminen, soiylýdan jáne joǵalýdan saqtandyrý siiaqty jańa saqtandyrý ónimi engizildi. Osylaisha, byltyrdan beri mal sharýashylyǵynda 25 saqtandyrý sharty jasaldy, bul 6,9 myń bas maldy saqtandyrýǵa múmkindik berdi.
Esterińizge sala keteiik, Sharbaqty aýdanynda ornalasqan «Pobeda» JShS 50 myń ga jerge bidai, arpa, tary, júgeri egedi. Mundai iri sharýashylyqty qurǵaqshylyqtan saqtaý máselesi ózekti ekeni taǵy bar. Osy oraida atalǵan mekeme saqtandyrý tólemderine mán berip otyr. Paidasyn ekinshi jyl qatarynan kórip otyrǵan sharýashylyq ony jyl saiyn jasaýdy josparlap otyr. Saqtandyrýdyń arqasynda 700 myń teńge tólep, shamamen 3 million teńge alǵan. Saqtandyrý www.qoldau.kz saitynyń Agroinsurance júiesinde ótedi. Tirkelip, saqtandyrǵyńyz keletin bólimdi, saqtandyrý kompaniiasyn tańdaisyz jáne shart qunynyń 50%-yn tóleisiz. Qalǵan 50%-yn memlekettik operator - Aýyl sharýashylyǵyn qarjylai qoldaý qory engizedi.
