Foto: ashyq derekkóz
Aǵaiyndy azamattar aldyn ala sóz bailasyp, adam óltirgen jáne úiinde zańsyz oq-dárilerdi saqtap kelgen. Sot olarǵa 15 jáne 16 jylǵa bas bostandyǵynan aiyrý jazalaryn taǵaiyndady.
Pavlodar oblysy qylmystyq ister jónindegi mamandandyrylǵan aýdanaralyq soty aǵaiyndy K.A. men K.D-ǵa qatysty aldyn ala sóz bailasý arqyly paidakúnemdik nietpen adam óltirý jáne zańsyz oq-dárilerdi iemdený jáne saqtaý boiynsha qylmystyq isti qarady.
«Aǵaiyndy K., jábirlenýshi J.-dan satyp alynǵan úidiń qunyn tólemeýdi uiǵarǵan. Sóitip aldyn ala sóz bailasa otyryp paidakúnemdik nietpen álgi azamatty óltirýdi oilastyrǵan. Ony Jelezin aýdany Piaterijsk aýylyndaǵy ózen ótkeline aparyp, qolyn býyp, denesine salmaǵy 16 kilogramm gir tasyn bailap, sýǵa batyryp jibergen. Sonymen qatar K.A.-nyń úiin tintý kezinde starttyq tapansha men atys oqtary tabyldy», - dep habarlady oblystyq sottyń baspasóz qyzmetinen.
Sot K.A.-ǵa qylmystardyń jiyntyǵy boiynsha 16 jyl bas bostandyǵynan aiyrý túrindegi jazany belgilese, al K.D.-ny 15 jyl merzimge temir tordyń ar jaǵyna jóneltti.
Úkim zańdy kúshine engen joq.
