فوتو: اشىق دەرەككٶز
اعايىندى ازاماتتار الدىن الا سٶز بايلاسىپ, ادام ٶلتٸرگەن جەنە ٷيٸندە زاڭسىز وق-دەرٸلەردٸ ساقتاپ كەلگەن. سوت ولارعا 15 جەنە 16 جىلعا باس بوستاندىعىنان ايىرۋ جازالارىن تاعايىندادى.
پاۆلودار وبلىسى قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى اعايىندى ك.ا. مەن ك.د-عا قاتىستى الدىن الا سٶز بايلاسۋ ارقىلى پايداكٷنەمدٸك نيەتپەن ادام ٶلتٸرۋ جەنە زاڭسىز وق-دەرٸلەردٸ يەمدەنۋ جەنە ساقتاۋ بويىنشا قىلمىستىق ٸستٸ قارادى.
«اعايىندى ك., جەبٸرلەنۋشٸ ج.-دان ساتىپ الىنعان ٷيدٸڭ قۇنىن تٶلەمەۋدٸ ۇيعارعان. سٶيتٸپ الدىن الا سٶز بايلاسا وتىرىپ پايداكٷنەمدٸك نيەتپەن ەلگٸ ازاماتتى ٶلتٸرۋدٸ ويلاستىرعان. ونى جەلەزين اۋدانى پياتەريجسك اۋىلىنداعى ٶزەن ٶتكەلٸنە اپارىپ, قولىن بۋىپ, دەنەسٸنە سالماعى 16 كيلوگرامم گير تاسىن بايلاپ, سۋعا باتىرىپ جٸبەرگەن. سونىمەن قاتار ك.ا.-نىڭ ٷيٸن تٸنتۋ كەزٸندە ستارتتىق تاپانشا مەن اتىس وقتارى تابىلدى», - دەپ حابارلادى وبلىستىق سوتتىڭ باسپاسٶز قىزمەتٸنەن.
سوت ك.ا.-عا قىلمىستاردىڭ جيىنتىعى بويىنشا 16 جىل باس بوستاندىعىنان ايىرۋ تٷرٸندەگٸ جازانى بەلگٸلەسە, ال ك.د.-نى 15 جىل مەرزٸمگە تەمٸر توردىڭ ار جاعىنا جٶنەلتتٸ.
ٷكٸم زاڭدى كٷشٸنە ەنگەن جوق.
