Pavlodardaǵy turaqtandyrý qory kún saiyn seriktes dúkenderge qant jetkizedi. Qazir qorda 1 myń tonna qant bar, buǵan qosymsha Taraz zaýytynan 900 tonna ákelinedi, dep habarlaidy QazAqparat Ravlodarnews.kz saityna silteme jasap
Óńirlik kásipkerlik jáne indýstrialdyq-innovatsiialyq damý basqarmasy basshysynyń orynbasary Talǵat Dýgalovtyń aitýynsha, búgin turǵyndar arasynda dúrligý basylǵan. Turaqtandyrý qory burynǵydai óz dúkenderine qanttyń kelisin 240 teńgeden bosatýda, al sórelerde 264 teńgeden satylady.
- Ótken aptanyń sońynan bastap oblys dúkenderinde dúrligý bastalǵany belgili. Eń aldymen, bul Reseidiń shekarany jaýyp tastaǵanyna bailanysty, ekinshiden, áleýmettik jelilerde azamattardyń dúken sórelerinen jappai qant satyp alyp jatqany túsirilgen video paida boldy. Budan keiin mundai jaǵdai bizde de bastaldy. Buryn qantqa tapsyrysqa 20-30 ótinim alsaq, qazir bul kórsetkish 100-ge jetti, - dedi Talǵat Dýgalov.
Ol áleýmettik dúkenderge bir tonnadan artyq bosatylmaitynyn, iri saýda jelilerine sanyna bailanysty 10-nan 20-ǵa tonnaǵa deiin jiberiletinin aitty.
Qordaǵy ónim jarty jylǵa jetedi, qajet bolǵan jaǵdaida qosymsha satyp alynady. Baǵany anyqtaý jónindegi komissiia ónimniń qunyn qaita qaraýy múmkin, sebebi qantqa suranys artyp otyr.
Aita keter jait, Qazaqstanda áleýmettik mańyzy bar ónim tóńiregindegi dúrligý reseilik importtaýshydan ónimdi áketýge tyiym salý saldarynan paida boldy. QR Saýda jáne integratsiia ministrligi tapshylyq týraly aqparatty joqqa shyǵardy.
