Pavlodardaǵy Lenin kóshesiniń ataýy Astana dep ózgerdi. Osyndai sheshim búgin qalalyq máslihattyń kezekti sessiiasynda qabyldandy, dep habarlaidy "Ult aqparat" Baq.kz agenttigine silteme jasap.
Aita keteiik, kóshe ataýyn ózgertý týraly usynys óńirdiń ziialy qaýym ókilderi tarapynan tústi. Keiin jaýapty memlekettik organdardyń qaraýyna jiberildi. Nátijesinde zańnama negizinde aldymen qoǵamdyq tyńdaýlar ótkizildi. Jiynǵa kelgenderdiń kóbi qoldaý bildirgen bolatyn. Olardyń qatarynda Pavlodar qalasynyń qurmetti azamaty, ólketanýshy Ernest Sokolkin de boldy.
«Astana dúniejúzi mádenieti men órkenietiniń ortalyǵyna ainaldy. Sondyqtan Astana ataýyn elimizdiń qalalarynda qoldaný zaman talaby ǵoi. Ár qalada Astana kóshesi bolý kerek», - dedi Ernest Sokolkin.
Búgingi tańda bul kósheniń boiynda 200-ge jýyq nysan bar. Sala mamandarynyń aitýynsha, kóshe ataýyn ózgertýge 300 myń teńgeden astam qarajat kerek.
«Buǵan deiin qoǵamdyq tyńdaýlar uiymdastyrylyp, halyqtyń pikiri tyńdaldy. Shara nátijesinde jiynǵa kelgenderdiń basym bóligi qoldaý bildirdi. Bizdiń tarapymyzdan, memlekettik organ bul usynysty búkil zańnamaǵa sáikes máslihattyń qaraýyna usynyp, Pavlodar qalasynda halyqtyń pikiri eskerile otyryp, kópshilik tyńdaýlar ótti», - deidi Pavlodar qalalyq mádeniet bóliminiń basshysy Samal Begalinova.
Lenin 1919 jylǵa deiin Vladimir kóshesi dep atalǵan. Qalanyń eski bóliginde Toraiǵyrov jáne Maiakovskii kósheleriniń aralyǵynda ornalasqan. HIH ǵasyrdyń aiaǵy men HH ǵasyrdyń basyndaǵy kópes úileri saqtalyp, keiinnen «Ýdarnik» jáne «Kolos» kinoteatrlary, vetzootehnikým taǵy basqa mańyzdy mekemeler ornalasqan. Kóshe uzyndyǵy – 4 shaqyrymǵa jýyq.
