پاۆلودارداعى لەنين كٶشەسٸنٸڭ اتاۋى استانا دەپ ٶزگەردٸ. وسىنداي شەشٸم بٷگٸن قالالىق مەسليحاتتىڭ كەزەكتٸ سەسسيياسىندا قابىلداندى, دەپ حابارلايدى "ۇلت اقپارات" Baq.kz اگەنتتٸگٸنە سٸلتەمە جاساپ.
ايتا كەتەيٸك, كٶشە اتاۋىن ٶزگەرتۋ تۋرالى ۇسىنىس ٶڭٸردٸڭ زييالى قاۋىم ٶكٸلدەرٸ تاراپىنان تٷستٸ. كەيٸن جاۋاپتى مەملەكەتتٸك ورگانداردىڭ قاراۋىنا جٸبەرٸلدٸ. نەتيجەسٸندە زاڭناما نەگٸزٸندە الدىمەن قوعامدىق تىڭداۋلار ٶتكٸزٸلدٸ. جيىنعا كەلگەندەردٸڭ كٶبٸ قولداۋ بٸلدٸرگەن بولاتىن. ولاردىڭ قاتارىندا پاۆلودار قالاسىنىڭ قۇرمەتتٸ ازاماتى, ٶلكەتانۋشى ەرنەست سوكولكين دە بولدى.
«استانا دٷنيەجٷزٸ مەدەنيەتٸ مەن ٶركەنيەتٸنٸڭ ورتالىعىنا اينالدى. سوندىقتان استانا اتاۋىن ەلٸمٸزدٸڭ قالالارىندا قولدانۋ زامان تالابى عوي. ەر قالادا استانا كٶشەسٸ بولۋ كەرەك», - دەدٸ ەرنەست سوكولكين.
بٷگٸنگٸ تاڭدا بۇل كٶشەنٸڭ بويىندا 200-گە جۋىق نىسان بار. سالا ماماندارىنىڭ ايتۋىنشا, كٶشە اتاۋىن ٶزگەرتۋگە 300 مىڭ تەڭگەدەن استام قاراجات كەرەك.
«بۇعان دەيٸن قوعامدىق تىڭداۋلار ۇيىمداستىرىلىپ, حالىقتىڭ پٸكٸرٸ تىڭدالدى. شارا نەتيجەسٸندە جيىنعا كەلگەندەردٸڭ باسىم بٶلٸگٸ قولداۋ بٸلدٸردٸ. بٸزدٸڭ تاراپىمىزدان, مەملەكەتتٸك ورگان بۇل ۇسىنىستى بٷكٸل زاڭناماعا سەيكەس مەسليحاتتىڭ قاراۋىنا ۇسىنىپ, پاۆلودار قالاسىندا حالىقتىڭ پٸكٸرٸ ەسكەرٸلە وتىرىپ, كٶپشٸلٸك تىڭداۋلار ٶتتٸ», - دەيدٸ پاۆلودار قالالىق مەدەنيەت بٶلٸمٸنٸڭ باسشىسى سامال بەگالينوۆا.
لەنين 1919 جىلعا دەيٸن ۆلاديمير كٶشەسٸ دەپ اتالعان. قالانىڭ ەسكٸ بٶلٸگٸندە تورايعىروۆ جەنە ماياكوۆسكيي كٶشەلەرٸنٸڭ ارالىعىندا ورنالاسقان. حٸح عاسىردىڭ اياعى مەن حح عاسىردىڭ باسىنداعى كٶپەس ٷيلەرٸ ساقتالىپ, كەيٸننەن «ۋدارنيك» جەنە «كولوس» كينوتەاترلارى, ۆەتزووتەحنيكۋم تاعى باسقا ماڭىزدى مەكەمەلەر ورنالاسقان. كٶشە ۇزىندىعى – 4 شاقىرىمعا جۋىق.
