Foto: ashyq derekkóz
Pavlodarda «HAS» qarjy piramidasyn uiymdastyrýshylardyń 1 mlrd teńgeden astam sommany quraityn múlki tárkilendi, dep habarlaidy Ult.kz.
Alaiaqtar azamattardy túrli investitsiialyq jobalarǵa aqsha salýǵa úgittegen. Túrli jalǵan aktsiialardy áleýmettik jelilerge belsendi túrde jariialap otyrǵan.
Onyń ishinde Astana jáne Qosshy qalalarynda turǵyn úi salý týraly aqparat taratqan. Tipti, jalǵan qurylys jumystaryn kórsetý úshin dekoratsiialar men arnaiy tehnikalardy qoldanǵan.
5 myńnan astam salymshyny aldaǵan qarjy piramidasynyń 5 uiymdastyrýshysy 6 jyldan 12 jylǵa deiin bas bostandyǵynan airyldy. Sonymen qatar olardyń 1 mlrd teńgeden astam múlki tárkilendi.
Onyń ishinde 4 páter, 18 avtokólikpen 3 jer telimi jáne avtoturaq oryndary, kommertsiialyq emes ǵimarat pen qatar esepshottardaǵy qarajattary bar.
Tárkilengen múlik aqshasy zardap shekkenderge keltirilgen shyǵyndy óteýge paidalanylady.
