Pavlodar qalasynda jylý elektr ortalyǵyndaǵy apattyń qaidan shyqqany belgili boldy, dep habarlaidy "Ult aqparat" TJM baspasóz qyzmetine silteme jasap.
27 qarashada saǵat 20.10-de 112 pýltine turǵyndardan Pavlodar qalasynyń ońtústik jáne shyǵys shaǵyn aýdandarynda jylý birde kelip, birde kelmei turǵany týraly habar kelip túsken.
№1 jylý elektr ortalyǵynda saǵat 19.00-de jarylǵan №3 qubyrdyń jumysy toqtatyldy, qalpyna keltirý jumysyn júrgizý kezinde jylý aidaityn úsh jelilik sorǵy toqtatyldy, jylý berý azaityldy.
TJM resmi ókili Talǵat Ýáli habarlaýynsha, avariialyq-qalpyna keltirý jumysyn júrgizý kezinde №1 jylý elektr ortalyǵynyń tutynýshylaryn 27 qarashada saǵat 20.00-de №2 jáne №3 jylý elektr ortalyqtaryna qosty.
№1 jylý elektr ortalyǵy aýmaǵyndaǵy jylý jelisiniń búlingen ýchaskesi buzylyp, jańasy ornatyla bastady. Avariialyq-qalpyna keltirý jumysy 28 qarashada saǵat 12.00-ge deiin jalǵasty. Jylýmen jabdyqtaý iske qosyldy.
Qazirgi málimet boiynsha «Qazaqstan aliýminiii» AQ 1-jylý elektr ortalyqtyń aýmaǵyndaǵy tozǵan diametri 800 mm qubyr qubyr jaryldy. Sonyń saldarynan qalanyń ońtústik jáne shyǵys bóliginde jylý berý azaitylǵan.
№1 jylý elektr ortalyqtyń jylý jelilerin avariialyq-qalpyna keltirýge jeke quramnan 90 adam jáne 25 tehnika jumyldyryldy. «Jylý jelileri» JShS (40 adam jáne 10 tehnika), «Aliýmini Kazashstan» AQ 1-JEO (40 adam jáne 10 tehnika), jergilikti atqarýshy organdar (5 adam jəne 3 tehnika), Pavlodar oblysy TJD (5 adam jəne 2 tehnika).
29 qarashada jaǵdai boiynsha qaladaǵy jylý jelisinde basqa apat tirkelmegen.
