پاۆلودار قالاسىندا جىلۋ ەلەكتر ورتالىعىنداعى اپاتتىڭ قايدان شىققانى بەلگٸلٸ بولدى, دەپ حابارلايدى "ۇلت اقپارات" تجم باسپاسٶز قىزمەتٸنە سٸلتەمە جاساپ.
27 قاراشادا ساعات 20.10-دە 112 پۋلتٸنە تۇرعىنداردان پاۆلودار قالاسىنىڭ وڭتٷستٸك جەنە شىعىس شاعىن اۋداندارىندا جىلۋ بٸردە كەلٸپ, بٸردە كەلمەي تۇرعانى تۋرالى حابار كەلٸپ تٷسكەن.
№1 جىلۋ ەلەكتر ورتالىعىندا ساعات 19.00-دە جارىلعان №3 قۇبىردىڭ جۇمىسى توقتاتىلدى, قالپىنا كەلتٸرۋ جۇمىسىن جٷرگٸزۋ كەزٸندە جىلۋ ايدايتىن ٷش جەلٸلٸك سورعى توقتاتىلدى, جىلۋ بەرۋ ازايتىلدى.
تجم رەسمي ٶكٸلٸ تالعات ۋەلي حابارلاۋىنشا, اۆارييالىق-قالپىنا كەلتٸرۋ جۇمىسىن جٷرگٸزۋ كەزٸندە №1 جىلۋ ەلەكتر ورتالىعىنىڭ تۇتىنۋشىلارىن 27 قاراشادا ساعات 20.00-دە №2 جەنە №3 جىلۋ ەلەكتر ورتالىقتارىنا قوستى.
№1 جىلۋ ەلەكتر ورتالىعى اۋماعىنداعى جىلۋ جەلٸسٸنٸڭ بٷلٸنگەن ۋچاسكەسٸ بۇزىلىپ, جاڭاسى ورناتىلا باستادى. اۆارييالىق-قالپىنا كەلتٸرۋ جۇمىسى 28 قاراشادا ساعات 12.00-گە دەيٸن جالعاستى. جىلۋمەن جابدىقتاۋ ٸسكە قوسىلدى.
قازٸرگٸ مەلٸمەت بويىنشا «قازاقستان اليۋمينييٸ» اق 1-جىلۋ ەلەكتر ورتالىقتىڭ اۋماعىنداعى توزعان ديامەترٸ 800 مم قۇبىر قۇبىر جارىلدى. سونىڭ سالدارىنان قالانىڭ وڭتٷستٸك جەنە شىعىس بٶلٸگٸندە جىلۋ بەرۋ ازايتىلعان.
№1 جىلۋ ەلەكتر ورتالىقتىڭ جىلۋ جەلٸلەرٸن اۆارييالىق-قالپىنا كەلتٸرۋگە جەكە قۇرامنان 90 ادام جەنە 25 تەحنيكا جۇمىلدىرىلدى. «جىلۋ جەلٸلەرٸ» جشس (40 ادام جەنە 10 تەحنيكا), «اليۋميني كازاسحستان» اق 1-جەو (40 ادام جەنە 10 تەحنيكا), جەرگٸلٸكتٸ اتقارۋشى ورگاندار (5 ادام جəنە 3 تەحنيكا), پاۆلودار وبلىسى تجد (5 ادام جəنە 2 تەحنيكا).
29 قاراشادا جاعداي بويىنشا قالاداعى جىلۋ جەلٸسٸندە باسقا اپات تٸركەلمەگەن.
