Pavlodarda jaiaý júrginshiler ótkelinde qoqys tógetin júk kóligi eki oqýshyny qaǵyp ketti. Bir bala alǵan jaraqatynan aýrýhanada qaza boldy, - dep habarlaidy Tengrinews.kz agenttigi.
Oqiǵa ornynda túsirilgen videony oqiǵa kýágerleri Instagram jelisinde jariialady. Kadrlardan bir balanyń "Jaiaý júrginshiler ótkeli" belgisinen birneshe metr jerde qardyń ústinde jatqanyn kórýge bolady.
"Bul jerde kólikter aǵylyp jatady. Oqýshylardy qaǵyp ketti, baǵdarsham qoiý kerek, ákimdik", - deidi video avtory.
Pavlodar oblysynyń Politsiia departamenti baspasóz qyzmeti málemetinshe, 13 jeltoqsanda Pavlodar qalasynyń Soltústik indýstriialyq aimaǵynda jol-kólik oqiǵasy boldy.
"ZIL avtokóliginiń 44 jastaǵy júrgizýshisi rettelmeitin jaiaý júrginshiler ótkelinde joldy kesip ótip bara jatqan kámeletke tolmaǵan eki balany qaǵyp ketti. Osy fakt boiynsha tergeý júrip jatyr", - dedi oblystyq DP baspasóz qyzmeti ókilderi.
Eki bala da jaraqatpen aýrýhanaǵa jetkizilgen.
Pavlodar oblysy densaýlyq saqtaý basqarmasynyń baspasóz qyzmetinen túsken málimetke qaraǵanda, 2012 jyly týǵan ul balanyń oń jaq aiaǵy synǵan. Travmatologiia bólimshesine jatqyzyldy, jaǵdaiy ortasha aýyrlyqta.
"2010 jyly týǵan ekinshi oqýshy jambas súieginiń kóptegen synýy, ishki aǵzalarynyń zaqymdanýy, ishki qan ketý jáne shap aimaǵyndaǵy kólemdi jaralarmen tústi. Reanimatsiia júrgizildi, jaraqattardyń saldarynan bala aýrýhanaǵa jetkizilgennen keiin 18 minýttan soń qaitys boldy", - dep túsindirdi vedomstvonyń baspasóz qyzmeti ókilderi.
