پاۆلوداردا جاياۋ جٷرگٸنشٸلەر ٶتكەلٸندە قوقىس تٶگەتٸن جٷك كٶلٸگٸ ەكٸ وقۋشىنى قاعىپ كەتتٸ. بٸر بالا العان جاراقاتىنان اۋرۋحانادا قازا بولدى, - دەپ حابارلايدى Tengrinews.kz اگەنتتٸگٸ.
وقيعا ورنىندا تٷسٸرٸلگەن ۆيدەونى وقيعا كۋەگەرلەرٸ Instagram جەلٸسٸندە جارييالادى. كادرلاردان بٸر بالانىڭ "جاياۋ جٷرگٸنشٸلەر ٶتكەلٸ" بەلگٸسٸنەن بٸرنەشە مەتر جەردە قاردىڭ ٷستٸندە جاتقانىن كٶرۋگە بولادى.
"بۇل جەردە كٶلٸكتەر اعىلىپ جاتادى. وقۋشىلاردى قاعىپ كەتتٸ, باعدارشام قويۋ كەرەك, ەكٸمدٸك", - دەيدٸ ۆيدەو اۆتورى.
پاۆلودار وبلىسىنىڭ پوليتسييا دەپارتامەنتٸ باسپاسٶز قىزمەتٸ مەلەمەتٸنشە, 13 جەلتوقساندا پاۆلودار قالاسىنىڭ سولتٷستٸك يندۋسترييالىق ايماعىندا جول-كٶلٸك وقيعاسى بولدى.
"زيل اۆتوكٶلٸگٸنٸڭ 44 جاستاعى جٷرگٸزۋشٸسٸ رەتتەلمەيتٸن جاياۋ جٷرگٸنشٸلەر ٶتكەلٸندە جولدى كەسٸپ ٶتٸپ بارا جاتقان كەمەلەتكە تولماعان ەكٸ بالانى قاعىپ كەتتٸ. وسى فاكت بويىنشا تەرگەۋ جٷرٸپ جاتىر", - دەدٸ وبلىستىق دپ باسپاسٶز قىزمەتٸ ٶكٸلدەرٸ.
ەكٸ بالا دا جاراقاتپەن اۋرۋحاناعا جەتكٸزٸلگەن.
پاۆلودار وبلىسى دەنساۋلىق ساقتاۋ باسقارماسىنىڭ باسپاسٶز قىزمەتٸنەن تٷسكەن مەلٸمەتكە قاراعاندا, 2012 جىلى تۋعان ۇل بالانىڭ وڭ جاق اياعى سىنعان. تراۆماتولوگييا بٶلٸمشەسٸنە جاتقىزىلدى, جاعدايى ورتاشا اۋىرلىقتا.
"2010 جىلى تۋعان ەكٸنشٸ وقۋشى جامباس سٷيەگٸنٸڭ كٶپتەگەن سىنۋى, ٸشكٸ اعزالارىنىڭ زاقىمدانۋى, ٸشكٸ قان كەتۋ جەنە شاپ ايماعىنداعى كٶلەمدٸ جارالارمەن تٷستٸ. رەانيماتسييا جٷرگٸزٸلدٸ, جاراقاتتاردىڭ سالدارىنان بالا اۋرۋحاناعا جەتكٸزٸلگەننەن كەيٸن 18 مينۋتتان سوڭ قايتىس بولدى", - دەپ تٷسٸندٸردٸ ۆەدومستۆونىڭ باسپاسٶز قىزمەتٸ ٶكٸلدەرٸ.
