Foto: pixabay.com
Pavlodar oblysynda zańsyz kóshi-qonnyń jasyryn arnasy áshkerelendi. Bul týraly Polisia.kz habarlady.
Kriminaldyq politsiia júrgizgen arnaiy operatsiia barysynda memlekettik shekara arqyly adamdardy zańsyz tranzitpen ótkizý áreketi toqtatyldy. Jedel is-sharalar nátijesinde kórshi eldiń azamaty ustaldy.
Tergeý málimetinshe, kúdikti óz otandastaryn Resei Federatsiiasy arqyly Qazaqstan aýmaǵyna zańsyz jetkizýdiń shemasyn uiymdastyrǵan. Ol bul maqsatta MAN markaly júk kóligin paidalanǵan.
Kólikti tekserý kezinde jedel qyzmetkerler adamdardy jasyryn tasymaldaýǵa arnaiy jabdyqtalǵan qupiia oryndy anyqtady. Avtokólik tárkilenip, aiyp turaǵyna qoiyldy.
Atalǵan derek boiynsha qylmystyq is qozǵalyp, sotqa deiingi tergeý amaldary júrgizilýde. Quqyq qorǵaý organdary kúdiktiniń basqa da osyndai quqyq buzýshylyqtarǵa qatysy bar-joǵyn tekserip jatyr.
Politsiia zańsyz kóshi-qon arnasyn uiymdastyrýǵa qatysy bar barlyq tulǵalardy anyqtaý jumystaryn jalǵastyrýda.
