فوتو: pixabay.com
پاۆلودار وبلىسىندا زاڭسىز كٶشٸ-قوننىڭ جاسىرىن ارناسى ەشكەرەلەندٸ. بۇل تۋرالى Polisia.kz حابارلادى.
كريمينالدىق پوليتسييا جٷرگٸزگەن ارنايى وپەراتسييا بارىسىندا مەملەكەتتٸك شەكارا ارقىلى ادامداردى زاڭسىز ترانزيتپەن ٶتكٸزۋ ەرەكەتٸ توقتاتىلدى. جەدەل ٸس-شارالار نەتيجەسٸندە كٶرشٸ ەلدٸڭ ازاماتى ۇستالدى.
تەرگەۋ مەلٸمەتٸنشە, كٷدٸكتٸ ٶز وتانداستارىن رەسەي فەدەراتسيياسى ارقىلى قازاقستان اۋماعىنا زاڭسىز جەتكٸزۋدٸڭ سحەماسىن ۇيىمداستىرعان. ول بۇل ماقساتتا MAN ماركالى جٷك كٶلٸگٸن پايدالانعان.
كٶلٸكتٸ تەكسەرۋ كەزٸندە جەدەل قىزمەتكەرلەر ادامداردى جاسىرىن تاسىمالداۋعا ارنايى جابدىقتالعان قۇپييا ورىندى انىقتادى. اۆتوكٶلٸك تەركٸلەنٸپ, ايىپ تۇراعىنا قويىلدى.
اتالعان دەرەك بويىنشا قىلمىستىق ٸس قوزعالىپ, سوتقا دەيٸنگٸ تەرگەۋ امالدارى جٷرگٸزٸلۋدە. قۇقىق قورعاۋ ورگاندارى كٷدٸكتٸنٸڭ باسقا دا وسىنداي قۇقىق بۇزۋشىلىقتارعا قاتىسى بار-جوعىن تەكسەرٸپ جاتىر.
پوليتسييا زاڭسىز كٶشٸ-قون ارناسىن ۇيىمداستىرۋعا قاتىسى بار بارلىق تۇلعالاردى انىقتاۋ جۇمىستارىن جالعاستىرۋدا.
