Foto: ms11.ru
Pavlodar oblysynda Ertis ózeniniń ústinen uzyndyǵy 691 metrlik elimizdegi alǵashqy ekstradozdy kópir salynyp jatyr. Qazirgi tańda kópirge qajetti alty tirektiń tórteýi ornatyldy, dep habarlaidy Ult.kz oblystyq ákimdiktiń baspasóz qyzmetine silteme jasap.
Jańa kópir tórtjolaqty bolady. Ol 60 jyldan astam ýaqyt boiy qoldanysta kele jatqan apatty jaǵdaidaǵy eski kópirdiń qasyna salynyp jatyr. Jobany iske asyrý jol qozǵalysy qaýipsizdigin arttyrýǵa, kólik qatynasyn jaqsartýǵa múmkindik beredi.
Qurylysqa 220 maman men 61 arnaiy tehnika jumyldyrylǵan. Jańa kópir eski kópirden 5 metr biik bolady. Bul Ertis ózenindegi keme qatynasy qaýipsizdigin qamtamasyz etedi. Sonymen qatar kópirge zamanaýi baqylaý júiesin ornatý josparlanyp otyr.
