Pavlodar kósheleriniń birinde qyzyq oqiǵa boldy. Qolyna erekshe balta alyp júrgen er adam qala politseileriniń nazaryna ilikti, - dep habarlaidy "Ult aqparat" Polisia.kz portalyna silteme jasap.
Pavlodar kóshesin tekserip júrgen politseiler qyzyq keiipkerdi kezdestirdi.
"Tekseris kezinde Krivenko kóshesimen kele jatqan jas jigitke nazar aýdardyq. Onyń qolynda balta tárizdi zat boldy. Áriptesim ekeýmiz ony toqtatyp, balta týraly surap, onyń kim ekenin anyqtadyq. Ol 30 jastaǵy pavlodarlyq bolyp shyqty. Onyń aitýynsha, ol bul balǵany internet-dúkennen satyp alyp, ony aksessýar retinde paidalanǵan", - dedi Pavlodar qalasy PB patrýldik politsiia batalony qyzmetiniń inspektory Ramazan Saǵyndyqov.
Politseiler jigitpen zańsyz áreketterge jol bermeý týraly cóilesip, ony bosatqan. Óitkeni mamandardyń qorytyndysy boiynsha bul - sýyq qarý emes, kiimge arnalǵan aksessýar ekeni anyqtalǵan.
Aita keteiik, TOR - Marvel Comics komiksteriniń batyl qaharmany. Keiipker nemis-skandinav mifologiiasyndaǵy Naizaǵai qudaiynyń beinesine negizdelgen.
