Pavlodar qalasynda áleýmettik jelilerge jariialanǵan beinejazbadan keiin jol qozǵalysy erejesin buzǵan júrgizýshi men jolaýshy ákimshilik jaýapkershilikke tartyldy, dep habarlaidy ult.kz.
Polisia.kz málimetinshe, monitoring barysynda qozǵalys kezinde Geely avtokóliginiń jolaýshysy aldyńǵy esiktiń terezesinen syrtqa shyǵyp, án aityp turǵany túsirilgen video anyqtalǵan.
Quqyq qorǵaý organdary mundai áreket jolaýshynyń ómiri men densaýlyǵyna qaýip tóndirip qana qoimai, jol-kólik oqiǵasyna sebep bolýy múmkin ekenin atap ótti.
Tekserý nátijesinde júrgizýshi men jolaýshynyń jeke basy anyqtaldy.
– Júrgizýshige jolaýshylardy tasymaldaý qaǵidalaryn buzǵany úshin ákimshilik hattama toltyryldy. Sonymen qatar Jol qozǵalysy qaǵidalaryn buzǵan jolaýshy da ákimshilik jaýapkershilikke tartyldy, – dedi Pavlodar qalasy politsiia basqarmasy patrýldik politsiia batalony komandiriniń mindetin atqarýshy Medhat Jylqybaev.
Politsiia jol qozǵalysyna qatysýshylardy qaýipsizdik talaptaryn qatań saqtaýǵa jáne óz ómiri men ózge azamattardyń qaýipsizdigine qaýip tóndiretin áreketterden bas tartýǵa shaqyrdy.
