Pavlodarda temeki úshin jappai tóbeles boldy. Oqiǵany kýágerler videoǵa túsirip alǵan, - dep habarlaidy Tengrinews.kz agenttigi pavlodarnews.kz saityna silteme jasap.
Politsiia málimetinshe, 21 mamyrda túngi saǵat 00:00 shamasynda politsiiaǵa Estai kóshesindegi túngi klýb janynda mas kelýshiler jappai tóbelesip jatqany týraly habarlama túsken. Tártip saqshylary oqiǵaǵa qyzdardyń da qatysy baryn anyqtady. Tóbeleske qatysqandardyń barlyǵy, sonyń ishinde qyzdar da ýaqytsha beiimdeý ortalyǵyna jetkizildi.
"Usaq buzaqylyq jasap, qoǵamdyq oryndarǵa mas kúiinde shyqqan tártip buzýshylar ákimshilik jaýapkershilikke tartyldy", - dedi politsiia ókili Renat Sháripov.
