Kórneki sýret: egemen.kz
Pavlodarlyq jas jigit "kezekten tys páter alyp bere alamyn" dep týystaryn aldap, olardyń 7 mln teńgesin ielengen, - dep habarlaidy "Ult aqparat" Polisia.kz Telegram arnasyna silteme jasap.
2022 jyldyń qańtarynda 27 jastaǵy pavlodarlyq týystaryna "ákimdik arqyly turǵyn úi máselesin sheshe alatynyn", kezekten tys baspana satyp alýǵa kómektese alatynyn aitqan. Jaqyn ápkeleri aqshany depozitterinen sheship alyp, jetpegen somany qaryzǵa alǵan. Oǵan qosa altyn buiymdaryn da lombardqa ótkizgen.
"Olardyń biri kúdiktige 2,5 million teńge, ekinshisi 4,5 million teńge bergen. Aqshany alǵannan keiin, er adam ýaqytty soza túsý úshin ártúrli syltaýlar oilap taba bastaidy. 6 aidan keiin ol týysynyń birine 250 myń teńge qaitaryp beredi. Qalǵan aqshany ol óz qajettilikterine jumsaǵan", - delingen habarlamada.
Biraz ýaqyttan keiin týystary alaiaqtyń qurbany bolǵanyn túsinip, politsiiaǵa júgingen.
QR QK 190-baby "Alaiaqtyq" boiynsha sotaldy tergeý júrgizilip jatyr. Kúdiktige qatysty bultartpaý sharasy qoldanyldy.
