كٶرنەكٸ سۋرەت: egemen.kz
پاۆلودارلىق جاس جٸگٸت "كەزەكتەن تىس پەتەر الىپ بەرە الامىن" دەپ تۋىستارىن الداپ, ولاردىڭ 7 ملن تەڭگەسٸن يەلەنگەن, - دەپ حابارلايدى "ۇلت اقپارات" Polisia.kz Telegram ارناسىنا سٸلتەمە جاساپ.
2022 جىلدىڭ قاڭتارىندا 27 جاستاعى پاۆلودارلىق تۋىستارىنا "ەكٸمدٸك ارقىلى تۇرعىن ٷي مەسەلەسٸن شەشە الاتىنىن", كەزەكتەن تىس باسپانا ساتىپ الۋعا كٶمەكتەسە الاتىنىن ايتقان. جاقىن ەپكەلەرٸ اقشانى دەپوزيتتەرٸنەن شەشٸپ الىپ, جەتپەگەن سومانى قارىزعا العان. وعان قوسا التىن بۇيىمدارىن دا لومباردقا ٶتكٸزگەن.
"ولاردىڭ بٸرٸ كٷدٸكتٸگە 2,5 ميلليون تەڭگە, ەكٸنشٸسٸ 4,5 ميلليون تەڭگە بەرگەن. اقشانى العاننان كەيٸن, ەر ادام ۋاقىتتى سوزا تٷسۋ ٷشٸن ەرتٷرلٸ سىلتاۋلار ويلاپ تابا باستايدى. 6 ايدان كەيٸن ول تۋىسىنىڭ بٸرٸنە 250 مىڭ تەڭگە قايتارىپ بەرەدٸ. قالعان اقشانى ول ٶز قاجەتتٸلٸكتەرٸنە جۇمساعان", - دەلٸنگەن حابارلامادا.
بٸراز ۋاقىتتان كەيٸن تۋىستارى الاياقتىڭ قۇربانى بولعانىن تٷسٸنٸپ, پوليتسيياعا جٷگٸنگەن.
قر قك 190-بابى "الاياقتىق" بويىنشا سوتالدى تەرگەۋ جٷرگٸزٸلٸپ جاتىر. كٷدٸكتٸگە قاتىستى بۇلتارتپاۋ شاراسى قولدانىلدى.
