Pavlodarda munai ónimderin zańsyz tasymaldaǵandar qolǵa tústi. Aldyn ala keltirilgen shyǵyn kólemi shamamen 17 mln teńgeni quraidy, dep habarlaidy QazAqparat Pavlodarnews.kz-ke silteme jasap.
Pavlodar oblystyq politsiia departamentiniń málimetinshe, jergilikti jedel ýákilder munai ónimderin zańsyz tasymaldaǵan qylmyskerlerdiń jolyn kesti.
- «Quqyqtyq tártip» jedel aldyn alý is-sharasyn ótkizý barysynda Kriminaldyq politsiia basqarmasynyń qyzmetkerleri janar-jaǵarmai ónimderin jymqyrdy degen kúdikpen birneshe adamdy ustady. Olar Pavlodar qalasynyń avtojanarmai quiý stantsiialaryna munai ónimderin tasymaldaýmen ainalysatyn oblys ortalyǵyndaǵy uiymynyń qyzmetkerleri bolyp shyqty. Kúdiktiler aldyn ala daiyndalǵan. Olar tasymaldanatyn otyndy jetkizý jáne quiýmen ainalysqan, - dep habarlady Pavlodar oblysy politsiia departamentiniń bastyǵy Nurlan Másimov.
Politsiia jedel-izdestirý sharalarynyń nátijesinde qylmys jasady degen kúdikpen 1971 jáne 1974 jyldary týǵan eki pavlodarlyq ustaldy. Aldyn ala keltirilgen shyǵyn shamamen 17 mln teńgeni qurady.
Atalǵan fakti boiynsha Qazaqstan Respýblikasy QK-niń 189-baby 4-tarmaǵynyń 2-bólimi boiynsha sotqa deiingi tergeý bastaldy. Kúdiktilerge qatysty «eshqaida shyqpaý týraly» qolhat túrinde bultartpaý sharasy tańdaldy.
