Pavlodardyń Shókin kóshesi men Nazarbaev dańǵylynyń qiylysynda 80 oryndyq jyldam tamaqtaný meiramhanasy salynady, dep habarlaidy "Ult aqparat" pavlodarnews.kz saityna silteme jasap.
Investor KFC meiramhanasynyń qurylysyn úsh aida aiaqtap, qarasha aiynda iske qosýdy josparlap otyr.
«Osy jer ýchaskesinde 53-ke jýyq arzan baǵaly aǵash bar. Jalpy bul qalaǵa qosymsha investitsiia tartý, tamaqtaný salasyn uiymdastyrý, barlyq sáýlet, qala qurylysy jáne jer normalaryna sáikes keledi», - dedi Pavlodar ákiminiń orynbasary Ermurat Nurhanov.
«Bereginia-bio» qoǵamdyq birlestiginiń sarapshy-biology Tatiana Ponomarevanyń aqparatyna súiensek, tikelei qurylys ýchaskesinde ornalasqan jáne tolyq kesýge jatatyn barlyq aǵashtardyń jaǵdaiy jaqsy. Shókin kóshesi boiyndaǵy alty aǵash qana qalady.
«Bul aǵashtar qurylysqa kedergi keltirgen joq. Biraq men olardy alyp tastaýdy jáne olardyń ornyna jaqsy aǵashtardy otyrǵyzýdy ótindim. Qurylys aýmaǵyndaǵy barlyq aǵashtar ómirsheń jaǵdaida jáne ónimdi jasta, aýadaǵy qaldyqtardy jaqsy sińiredi jáne ottegi bóledi. Degenmen, olar qara terek, shaǵalaly úieńki, qaraǵash siiaqty tómen tuqymdy aǵashtarǵa jatady. Shaǵalaly úieńki estetikalyq turǵyda eskirgen bolyp sanalatyndyqtan, ekologtar ony tek qala syrtyna, aramshóp retinde otyrǵyzýdy usynatyn bolady», - dep atap ótti Tatiana Ponomareva.
Onyń pikirinshe, KFC meiramhanasynyń qurylysy Pavlodar úshin tek tiimdi bolmaq.
«Ótemaqy túrinde 219 aǵash otyrǵyzyldy, bul piramida túrindegi kúmis terek. Ol tez sińip, jaqsy ósim beredi. Jyl boiy qajetti kútim jasasa, mundai aǵash bir metrden artyq ósedi», - dedi sarapshy-biolog.
«Trend group LTD» JShS-nyń basshysy Qýanysh Qabidenovtyń aitýynsha, úshjyldyq aǵashtar Óskemennen ákelingen.
«Búgin kesilgen 45 aǵashtyń ornyna 219 aǵash otyrǵyzýdy aiaqtadyq. Shókin kóshesiniń boiynda 164 aǵash jáne Nazarbaev dańǵylynyń boiynda 55 aǵash otyrǵyzyldy. Biz PMÝ-men sýmen qamtamasyz etýdi sozdyq jáne kún saiyn sýaramyz», - dep málim etti investor.
Aita ketý kerek, alty sotyq jer ýchaskesi ótken jyldyń 28 tamyzynda aýktsionda 2 mln 121 myń 200 teńgege satylǵan. Jobanyń quny 1 mln AQSh dollaryn quraidy. 80 oryndyq nysanda 35 jumys orny ashylady, olardyń 70% stýdentter quramaq.
