Pavlodarlyq medbike COVID-19-ǵa qarsy vaktsinany ótirik jasap keldi degen kúdikke ilindi, dep habarlaidy QazAqparat.
Polisia.kz aqparattyq media portalynyń málimetinshe, politsiia qyzmetkerleri Pavlodar qalasyndaǵy emhanalardyń birinde jumys isteitin medbike koronavirýs infektsiiasyna qarsy turǵyndarǵa vaktsina jasaý qyzmetin atqarǵan. Ol sondai-aq azamattarǵa ekpine ótirik jasap, sol úshin olardan birneshe márte aqsha alǵan. Kúdikti alǵan aqshanyń jalpy somasy 160 myń teńgeni quraidy. Atalǵan fakti boiynsha QR Qylmystyq kodeksiniń 247-babymen sotqa deiingi tergeý bastaldy.
Buǵan deiin Pavlodar qalasynda meditsinalyq qyzmetkerler vaktsinalaýdyń jalǵan tólqujattaryn jasady degen kúdikke ilingenin habarlaǵan edik. Emhananyń meńgerýshisi, jalpy tájiribe dárigeri, sondai-aq eki meiirbike adamdardy belgili bir somaǵa vaktsina alǵandar týraly málimetter bazasyna tirkep otyrǵan.
