Pavlodarda bes qabatty turǵyn úidiń páterinde órt shyǵyp, úidiń kireberisinde iis tiip, kúiik shalǵan er adam tabyldy, dep habarlaidy "Ult aqparat".
«14 sáýir kúni saǵat 00.02-de Pavlodar qalasyndaǵy Qaiyrbaev kóshesindegi 36-úide órt shyqqany týraly habarlama kelip túsken. Eki bólmeli páterdiń úlken bólmesinde múlik-jihaz órtengen. Jalyn 16 sharshy metr aýmaqty sharpydy», - dep habarlady tilshilerge Pavlodar oblystyq Tótenshe jaǵdailar departamentiniń baspasóz qyzmetinen.
Órt sóndirýshiler besinshi qabattyń satysynan iis tiip ýlanǵan, qolyn, basyn, moiynyn ekinshi-úshinshi dárejeli kúiik shalǵan 1967 jylǵy er adamdy tapty. Er adam es-tússiz birinshi qalalyq aýrýhanaǵa jetkizildi, dep habarlady TJD-dan.
«Órt sóndirýshiler kelgenshe 10 adam ózdiginen syrtqa shyqqan. Órt saǵat 00:38-de sóndirildi. Qazir órttiń neden shyqqany, keltirilgen shyǵyn anyqtalyp jatyr», - dep naqtylady departamenttiń baspasóz qyzmetinen.
Oqiǵa ornyna jeke quramnyń 30 adamy men 10 tehnikasy, Apattar meditsinasy órt sóndirý qyzmetkerleri, 102 jáne 103, qalalyq elektr jelisi qyzmetteri bardy.
