پاۆلوداردا بەس قاباتتى تۇرعىن ٷيدٸڭ پەتەرٸندە ٶرت شىعىپ, ٷيدٸڭ كٸرەبەرٸسٸندە يٸس تيٸپ, كٷيٸك شالعان ەر ادام تابىلدى, دەپ حابارلايدى "ۇلت اقپارات".
«14 سەۋٸر كٷنٸ ساعات 00.02-دە پاۆلودار قالاسىنداعى قايىرباەۆ كٶشەسٸندەگٸ 36-ٷيدە ٶرت شىققانى تۋرالى حابارلاما كەلٸپ تٷسكەن. ەكٸ بٶلمەلٸ پەتەردٸڭ ٷلكەن بٶلمەسٸندە مٷلٸك-جيھاز ٶرتەنگەن. جالىن 16 شارشى مەتر اۋماقتى شارپىدى», - دەپ حابارلادى تٸلشٸلەرگە پاۆلودار وبلىستىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸنەن.
ٶرت سٶندٸرۋشٸلەر بەسٸنشٸ قاباتتىڭ ساتىسىنان يٸس تيٸپ ۋلانعان, قولىن, باسىن, مويىنىن ەكٸنشٸ-ٷشٸنشٸ دەرەجەلٸ كٷيٸك شالعان 1967 جىلعى ەر ادامدى تاپتى. ەر ادام ەس-تٷسسٸز بٸرٸنشٸ قالالىق اۋرۋحاناعا جەتكٸزٸلدٸ, دەپ حابارلادى تجد-دان.
«ٶرت سٶندٸرۋشٸلەر كەلگەنشە 10 ادام ٶزدٸگٸنەن سىرتقا شىققان. ٶرت ساعات 00:38-دە سٶندٸرٸلدٸ. قازٸر ٶرتتٸڭ نەدەن شىققانى, كەلتٸرٸلگەن شىعىن انىقتالىپ جاتىر», - دەپ ناقتىلادى دەپارتامەنتتٸڭ باسپاسٶز قىزمەتٸنەن.
وقيعا ورنىنا جەكە قۇرامنىڭ 30 ادامى مەن 10 تەحنيكاسى, اپاتتار مەديتسيناسى ٶرت سٶندٸرۋ قىزمەتكەرلەرٸ, 102 جەنە 103, قالالىق ەلەكتر جەلٸسٸ قىزمەتتەرٸ باردى.
