Pavlodar qalasynda kólik jóndeý ornynda adam ólimine ákep soqqan jazataiym oqiǵa boldy, dep habarlaidy ult.kz.
«Pavlodar qalasynda adam ólimimen aiaqtalǵan jazataiym oqiǵa oryn aldy. Aldyn ala málimet boiynsha, júk kóliginiń dóńgelegin úrleý kezinde shina jarylyp ketken. Sonyń saldarynan kólik jóndeý ornyndaǵy qyzmetker aýyr jaraqat alyp, qaza tapty», – dedi seisenbi kúni Qazaqstan Respýblikasy Eńbek jáne halyqty áleýmettik qorǵaý ministrliginiń Pavlodar oblysy boiynsha Memlekettik eńbek inspektsiiasy komiteti departamenti basshysynyń orynbasary Abylai Sabyrov.
Vedomstvo jazataiym oqiǵa boiynsha tergeý júrgizedi. Onyń qorytyndysy negizinde oqiǵanyń mán-jaiy men sebepteri anyqtalady.
