Foto: Pavlodar oblysy TJD
Pavlodarda jeńil kólik ózendegi muz astyna túsip ketti, - dep habarlaidy Tengrinews.kz tilshisi.
26 aqpanda saǵat 18.25-te Pavlodar oblysy Tótenshe jaǵdailar departamentiniń "112" pýltine "Niva" avtokóligi muz astyna túsip ketkeni týraly habarlama tústi.
Vedomstvonyń baspasóz qyzmeti málimetinshe, Ýsol yqshamaýdany "Ertis Olympic" basseini mańynda jeńil kólik ózenge túsip ketken.
Oqiǵa ornyna jetken qutqarýshylar arqan kómegimen kólikti jaǵaǵa shyǵardy. Kýágerler qutqarý operatsiiasy túsirilgen kadrlardy Instagram jelisine jariialady.
"Qaza bolǵandar men zardap shekkender joq. Oqiǵa ornyna Pavlodar oblysy Tótenshe jaǵdailar departamenti jeke quramynyń 10 adamy men eki tehnikasy, politseiler jumyldyryldy", - dedi oblystyń Tótenshe jaǵdailar departamentiniń baspasóz qyzmeti ókilderi.
